PIV 2026 · Artikolo 2170
★brasiko
Derivaĵoj en la artikolo 28
- brasikac/o
- acid/a brasiko
- arb/obrasiko
- blank/a brasiko
- brusel/a brasiko
- burĝonbrasiko
- ĉin/a brasiko
- florbrasiko
- foliobrasiko
- furaĝobrasiko
- ĝardenbrasiko
- ital/a brasiko
- kap1/obrasiko
- krisp/a brasiko
- legom/a brasiko
- marbrasiko
- medolbrasiko
- nap/obrasiko
- nigr/a brasiko
- ornam/a brasiko
- palm/obrasiko
- pekin/a brasiko
- pint/a brasiko
- rap1/obrasiko
- ruĝ/a brasiko
- savoj/a brasiko
- sen/kap1/a brasiko
- tigobrasiko
★ brasiko
1 BOTA unu-, du- aŭ plur-jara herbo, kun floroj ĝenerale flavpetalaj, kun preskaŭ cilindra ovario apenaŭ pli dika ol la mallonga stiluso, kaj kun longaj bekohavaj silikvoj enhavantaj po plurajn rondajn semojn; el Eŭropo, Azio kaj la mediteranea regiono, kelkaj kultivataj kiel legomoj aŭ por oleo. genro Brassica estas tia odoro de brasiko, ke oni devas gardi sian nazon Z ➞ sinapo, brasika hernio.
2 AGRI ĉiu foli-, flor- aŭ tig-legomo aŭ furaĝplanto el la multaj kultivoformoj de legoma brasiko aŭ de orientaj kultivoformoj de rapobrasiko. ➞ napo, rapo 1.
brasikacokreskaĵo en tiu taksonomia familio, kies tipgenro estas brasiko. membro de la familio Brassicaceae (brasikacoj)
acida brasiko KUIR dispecigita blanka brasiko, fermentigita. ➞ saŭrkraŭto.
arbobrasiko AGRI kultivoformo de senkapa brasiko, aspektanta kiel eta arbo.
blanka brasiko AGRI ĉia kultivoformo de kapobrasiko kun blanka kapo.
brusela brasiko, burĝonbrasiko BOTA AGRI kultivoformo de legoma brasiko kun longa tigo portanta multajn preskaŭ globformajn burĝonojn, kapetojn utiligatajn kiel legomoj. kultivovario Brassica oleracea gr. Gemmifera
ĉina brasiko BOTA AGRI kultivoformo de rapobrasiko, hejma en Ĉinujo, jam de longe kultivata ankaŭ en subtropikaj regionoj, kun folioj ne formantaj kapon, manĝataj kiel legomo. kultivovario Brassica rapa gr. Chinensis
florbrasiko BOTA AGRI ĉia kultivoformo de legoma brasiko, kun manĝebla firma blanka infloresko. kultivovario Brassica oleracea gr. Botrytis
foliobrasiko AGRI ĉia kultivoformo de senkapa brasiko, kultivata por folioj precipe uzataj kiel furaĝo. ➞ krispa brasiko.
ĝardenbrasiko AGRI ĉia brasiko 2 kultivata kiel foli-, tig- aŭ flor-legomo, por saŭrkraŭto aŭ por ornamo, ekz. florbrasiko, kapobrasiko, burĝonbrasiko.
itala brasiko brokolo.
kap1obrasiko AGRI kultivoformo de legoma brasiko, kun globforma aŭ korforma firma burĝonego utiligata kiel legomo; ĝi inkluzivas diversajn kultivoformojn. kultivovario Brassica oleracea gr. capitata «var. capitata» ➞ blanka brasiko, ruĝa brasiko, pinta brasiko.
krispa brasiko AGRI ĉia kultivoformo de senkapa brasiko, folibrasiko kun krispaj folioj, uzata kiel legomo aŭ por ornamo. Sin. sabeliko. ➞ ornama brasiko, senkapa brasiko.
legoma brasiko BOTA brasiko, el marborda Eŭropo, unujara aŭ dujara, kelkfoje plurjara, multaforma, ĝardene kultivata. specio Brassica oleracea ➞ brokolo, brusela brasiko, krispa brasiko, savoja brasiko, senkapa brasiko, florbrasiko, kapobrasiko, tigbrasiko.
marbrasiko speco de krambo 1, el la marbordoj de okcidenta Eŭropo ĝis sudokcidenta Azio, kultivata kaj uzata kiel legomo sub formo de etiolitaj junaj ŝosoj. specio Crambe maritima Sin. mara krambo.
medolbrasiko AGRI ĉia kultivoformo de senkapa brasiko, kies alta kaj dika tigo enhavas karnan manĝeblan medolon.
napobrasiko BOTA Sin. napo 1. ➞ brasiknapo.
nigra brasiko BOTA brasiko, el Eŭropo kaj Azio, unujara, malmulte kultivata, kun nigraj semoj uzataj por produktado de manĝoleo. specio Rhamphospermum nigrum
ornama brasiko AGRI ĉia kultivoformo de krispa brasiko kun ruĝaj buntaj folioj pli-malpli entranĉaj, uzata por ornamo.
palmobrasiko AGRI kultivoformo de senkapa brasiko, aspektanta kiel eta palmo.
pekina brasiko BOTA AGRI kultivoformo de rapobrasiko, el Azio, pli digestebla ol la formoj de ĝardenbrasiko. kultivovario Brassica rapa gr. Pekinensis Sin. pecajo.
pinta brasiko AGRI ĉia kultivoformo de kapobrasiko kun pintforma kapo.
rap1obrasiko BOTA ĉina brasiko aŭ pekina brasiko. specio Brassica rapa, kultivoformoj gr. Rapifera (rapo ① 2), gr. Chinensis (ĉina brasiko) kaj gr. Pekinensis
ruĝa brasiko AGRI ĉia kultivoformo de kapobrasiko kun ruĝa kapo.
savoja brasiko AGRI kultivoformo de legoma brasiko, diferenca de kapobrasiko pro okulfrape rete ripaj folioj. specio Brassica oleracea gr. Capitata «var. sapauda»
senkap1a brasiko BOTA AGRI kultivoformo de legoma brasiko, kun alta tigo kaj disaj folioj ne formantaj kapon; pluraj kultivoformoj, kultivataj por furaĝo, pli malofte por legomo aŭ ornamo. kultivovario Brassica oleracea gr. Acephala ➞ krispa brasiko, medolbrasiko, ornama brasiko.
tigobrasiko BOTA AGRI kultivoformo de legoma brasiko, kun mallonga karneca tigo tuberiĝanta iom super la grundo, manĝata kiel legomo. kultivovario Brassica oleracea gr. Gongylodes