PIV 2026 · Artikolo 5878

1hermafrodito

Litero H

Derivaĵoj en la artikolo 3
  1. hermafrodita
  2. hermafroditec/o
  3. pseŭdohermafroditec/o
1 hermafrodito
1 ZOOL individuo produktanta ambaŭ specojn de gametoj, viraj kaj inaj: ne ekzistas vera hermafrodito en la homa specio Sin. androgino 3.
2 BOTA planto, kies floroj produktas kaj polenon kaj ovolojn; la plejmulto da plantoj estas tiaj. ➞ monoika, dioika.
hermafrodita prezentanta la econ de hermafrodito: hermafrodita floro hermafrodita specio multaj hermafroditaj bestoj, ekz. helikoj, ne kapablas je memreproduktiĝo kaj devas kopuli Sin. ambaŭseksa, duseksa. ➞ hermafroditflora.
hermafroditeco BIOL enesto de ambaŭ seksoj (en la sama individuo): la hermafroditeco estas regula ĉe multaj grupoj de parazitoj, i.a. plathelmintoj Sin. dusekseco.
pseŭdohermafroditeco MEDI misformo de la generaj organoj, karakterizata de la ĉeesto en unu individuo de kelkaj el la ecoj de ambaŭ seksoj.