PIV 2026 · Artikolo 6549
infloresko
Derivaĵoj en la artikolo 4
infloresko BOTA grupiĝo de floroj de planto, prezentiĝantaj kiel tutaĵo sur komuna akso. ➞ amento, cumo, glomerulo, grapolo, kapo 1, kapitulo, korimbo, paniklo, spadiko, spiko, tirso, umbelo.
alcentra infloresko, grapoleca infloresko infloresko, en kiu la elvolviĝo de la floroj komenciĝas en ĝia ekstrema ĉirkaŭo aŭ bazo kaj laŭgrade sekvas internen aŭ supren, ekz. spiko, grapolo, kapitulo.
decentra infloresko, cuma infloresko infloresko, en kiu la elvolviĝo de la floroj komenciĝas en ĝia mezo aŭ apekso kaj laŭgrade sekvas eksteren aŭ malsupren: diversaspecaj cumoj.