PIV 2026 · Artikolo 12733
★prezo
Derivaĵoj en la artikolo 15
★ prezo venda valoro de objekto; monsumo bezonata por aĉeti ĝin: por tiu maŝino, kies kosto estis mil eŭroj, la fabrikanto postulas prezon de du mil, dum ĝia valoro ne atingas eĉ kvincent eŭrojn prezo estas anoncita por lia kapo pri krimulo ➞ premio Z malgranda pezo, sed granda prezo Z ju pli da aĉetantoj, des pli alta la prezo Z la prezoj falis tre malalten portreto aĉetita je bagatela prezo ĉe iu fatrasejo SŠt Sin. vendoprezo. ➞ kosto; prezaltiĝo, prezindiko, prezkontrolo.
prezaro tabelo de la prezoj de varoj en butiko, ĉe fabriko ktp.
prezoinda, prezinda aĉetinda, ĉar la prezo respondas al la valoro. ➞ favorpreza.
abonprezo prezo de abono.
altapreza multekosta.
ĉiapreze kia ajn estas la prezo: la statueton li volis ĉiapreze akiri
favorpreza relative malmultekosta: krom hoteloj, oni ofertos ankaŭ favorprezajn studentajn loĝejojn RE! ➞ prezoinda.
frajtprezo prezo postulata de frajtanto por la ekspedo de varoj.
gastoprezo, pensionprezo monsumo, kiun oni pagas (ĉiutage, ĉiusemajne aŭ ĉiumonate) por loĝado kaj manĝado en pensiono aŭ hotelo.
malaltapreza malmultekosta.
senpreza tia, ke ĝi ne havas pageblan prezon; senlime valora.
vendoprezo prezo: tiuj libroj malfeliĉe havas vendoprezon tro altan AKü urboj kaj lokaj biergildoj reguligis la vendoprezojn LVV
veturoprezo prezo ŝuldata por difinita veturo.