★korp/o

1 Ĉe homoj k bestoj, aro de la materiaj partoj, kiuj konsistigas la organaron: pli granda ol la korpo de ordinara rano ^Z; ŝi ne havis piedojn, la korpo finiĝis per fiŝa vosto ^Z; tremo trakuris ŝian korpon ^Z; ektremi per la tuta korpo ^Z; (io) saniga por via korpo ^Z; fortika, kaduka korpo ^Z; kuraĝu nun ekpalpi mian korpon per malĉasta tuŝo! ^Z; la korpo disfalis en cindron ^Z; ĉeesti per propra korpo; ne la edzino, sed la edzo rajtas pri ŝia korpo; tiel same ankaŭ ne la edzo, sed la edzino rajtas pri lia korpo ^N; kuri de sia propra korpo ^Z (timegi). ☞ karno, osto.

2 La materia parto de homo kontraste kun la spirita: se kune kun la korpo ankaŭ la spirito kripliĝis ^Z; ili vivas per unu animo en du korpoj ^Z; forsavi sian korpon k animon ^Z; klopodi sen limo per korpo k animo ^Z; mi aliĝos per la tuta korpo k animo al la partio ^Z; (f) se prosperus al ili, al la nomo de sia projekto ellabori ankaŭ sin teni povantan korpon ^Z; ✞ la korpo de Jesuo Kristo (eŭkaristio).

3 Tiu materia parto senigita de la spirita: senviva korpo ^Z; mara junko, kiu aspektis kiel korpo de homo ^Z; la korpon venigu do en preĝejon ^Z; dissekci korpon. ☞ kadavro.

4 Trunko de homa aŭ besta korpo: li detranĉis al li la kapon k enterigis ĝin kune kun la korpo ^Z; la korpo k la membroj; ŝi kaptis lin ĉirkaŭ la korpo ^Z. ☞ talio.

5 La ĉefa parto de objekto: la korpo de ŝipo, de flugboato; la korpo de violono, gitaro; en la korpo de la dokumento. ☞ kerno.

6 Ĉia agregaĵo de materiaj eroj: ĉiuj korpoj havas dimension k pezon; organika, neorganika korpo; simpla, kombinita korpo; pura korpo; solida, likva, gasa korpo; fremda korpo en la okulo ^Z; la steloj estas korpoj de universo ^Z; nigra korpo (Vd nigra 6). ☞ substanco.

7 ❤ Nomo de diversaj organoj, i.a. flava korpo, stria korpo k vitreca korpo.

8 (f) Relativa denseco, solideco de io: tiu ŝtofo ne havas korpon; jen vino, kiu havas korpon!.

9 ∆ Ringo, en kiu oni povas dividi per ajna elemento nenula: la aro de ĉiuj reelaj nombroj konsistigas korpon; per aljungo de nulejo de nemalkomponebla (nereduktebla) polinomo oni ricevas korppluigaĵon, kies grado egalas al la grado de la polinomo. Rim. Kelkaj aŭtoroj uzas la terminon nur por komutaj ringoj.