PIV 2026 · Artikolo 7056
kadavro
Derivaĵoj en la artikolo 6
kadavro mortinta korpo de homo aŭ besto: tio estis virino, supozeble kadavro Z ĵetante sian tranĉilon sur la kadavron Z pala kiel kadavro Z ➞ mumio, skeleto; kadavroplena.
kadavra
1 rilata al kadavro: kadavra rigideco
2 memoriganta pri kadavro: kadavra senmoviĝo
kadavre kiel kadavro: kadavre pala Z kadavre odoris la floroj Z
kadavraĵo io mortinta: se iu ektuŝos kadavraĵon de malpura besto MT la odoro de fendiĝanta kadavraĵo Z
kadavrejo loko, kie oni provizore konservas homajn kadavrojn, ekz. en hospitalo, policejo k.s. ➞ karnejo, putrejo.
kadavrigi fari iun kadavro: tiu ĉi brako tuj kadavrigos tiun, kiu iam ŝanceliĝos Z ➞ mortigi.