PIV 2026 · Artikolo 13071
★putri
Derivaĵoj en la artikolo 12
★ putri ntr
1 organika substanco malkomponiĝi: forlasita ovo devas putri B eĉ por pomo putranta troviĝas amanto Z mia haŭto krevis kaj putras MT (figurasence) kiu unufoje malpacis kun caro, batali aŭ putri devas mallibere G ➞ ŝimi.
2 morale difektiĝi: laboro homon nutras, sen laboro li putras Z estas io putrinta en la nuna reĝimo ➞ degeneri.
putra tia, ke ĝi putras: la plej dika branĉo rompiĝis pro la vento, kvankam ĝi ne estis putra Z putra dento MT de semo putra venas frukto ne nutra Z ➞ mucida.
putro, putrado stato de io, kio putras: putrado de fiŝo komenciĝas de l’ kapo proprasence kaj figurasence: plej facile koruptiĝas altranguloj Z
putraĵo io putra: mi ja disfalas kiel putraĵo MT akvon senmovan kovras putraĵo Z (figurasence) por vivi en la ŝvito de abomena lito, en putraĵo sin brogi Z
putrejo HIST loko, kie oni lasis putri la kadavrojn, antaŭ ol kolekti la ostojn en ostejo. Sin. karnejo. ➞ kadavrejo.
putrema tia, ke ĝi facile putras.
putrigi fari, ke io putru: Dio putrigu vian tutan korpon! (figurasence) laboro fortigas, ripozo putrigas Z tiele Mi putrigos la fieron de Jehuda MT
ekputrigi KUIR doni al ĉasaĵo specialan aromon, lasante ĝin iom putri: ekputrigita fazano ekputrigita skolopo
forputri putri, ĝis nenio restas: (figurasence) la nomo de malpiuloj forputros MT
kontraŭputra tia, ke ĝi malhelpas putradon: kontraŭputra substanco
neputrema tia, ke ĝi ne povas putri: neputrema mumio