PIV 2026 · Artikolo 10977

★nigra

Litero N★ Fundamenta

Derivaĵoj en la artikolo 19
  1. nigre
  2. nigro
  3. nigra=blank/a
  4. nigraĵ/o
  5. nigrec/o
  6. nigret/a
  7. nigrig/i
  8. nigriĝ/a
  9. nigriĝ/i
  10. nigrul/o
  11. nigrum/i
  12. nigrum/il/o
  13. brun1onigra
  14. eburonigro
  15. fulg/onigro
  16. fumonigro
  17. ĝisnigre
  18. karb/onigra
  19. korv/e nigra
★ nigra
1 havanta la koloron de fulgo aŭ karbo, kaj plene sorbanta lumon: nigran kornikon sapo ne blankigos Z nigra bovino nigra ĉevalo nigra kato liaj haroj estas nigraj kiel korvo MT pri vestoj por la patrino la nigra koloro estis tre bone alaspekta Z karbe nigra Z nigra kiel inko
LUDO la nigra koloro piko 2 kaj trefo nigraj ŝakpecoj
FIZI nigra korpo ASTR nigra truo TEKN SCIE nigra skatolo
2 tre malhela, kontraste al aliaj helaj samspecaj aferoj: nigra pano ➞ blanka nigra raso ➞ blanka 3, flava, ruĝa 4 mi estas nigra, tamen beleta,
Ho filinoj de Jerusalem MT
la kulto de la nigra Virgulino KUIR nigra butero tre malhelbruna post kuiriĝo nigraj nuboj nigra ĉielo nigra vetero (analoge) nigraj manoj nigraj tolaĵoj nigraj ungoj pro malpureco ➞ Nigra Arbaro, Nigra Maro.
3 elvokanta nigron kiel simbolon de malĝojeco: tio estas nigra tago en nia historio vidi ĉion nigra pesimisme nigra humoro havi nigrajn ideojn melankoliajn kaŭzoj, kiuj donis iom nigran koloron al la stato de mia animo Z senkulpa kamarado de mia nigra sorto Z ŝajnas al mi, ke nun batas lia nigra morta horo Z nigraj romanoj kun krimoj kaj teruraĵoj
4 elvokanta nigron kiel simbolon de malico: la nigraj anĝeloj diabloj en plej nigra stato la animo
En la inferon flugu ! Z
nigra koro nigra krimo nigra sendankemo la nigra magio nigra meso kulto al Satano
5 elvokanta nigron kiel simbolon de malaprobo, kondamno aŭ malpermeso: nigra listo de suspektataj personoj, malfavorataj laboristoj aŭ komercaj firmaoj ktp ➞ bojkoti la nigra laboro ekster la leĝaj aŭ la sindikataj kondiĉoj nigra merkato neleĝa nigra kaso ne oficiale kontrolata
nigre per nigro: oni presos nigre sur blanke nian tutan historion Z ŝi plej longe vestis sin nigre pro funebro Z
nigro
1 foresto de koloro.
2 koloro simila al nigro: nigro sur blanko pruvas sen manko Z la riĉaj, profundaj nigroj de Van Dyck ➞ sablo 2.
3 pigmento nigra: fulga nigro gasa nigro karbona nigro
4 ĉe damoj aŭ ŝako unu el la du partioj.
nigra=blanka
1 nigra kaj blanka: insekto brile nigra-blanka SMa nigra-blanka striaro de strikodo PPe
2 BELA FOTO uzanta nur nuancojn de grizo, sen aliaj koloroj: nigra-blankaj fotoj de mia avino en ŝia juneco Ko nigraj-blankaj televidprogramoj JPV la ekrano de mia poŝkomputilo estas nigra-blanka OE
3 (figurasence) rilata al elekto inter du kontraŭaj aferoj, ekzemple bona kaj malbona aŭ justa kaj maljusta: supraĵa, nigra-blanka dupolusa retoriko OE tiel nigra-blanka la movado ne estis ZVD
nigraĵo la nigra parto de io: la nigraĵoj de pentraĵo
nigreco eco de nigraĵo: (figurasence) la nigreco de liaj intencoj
nigreta duone nigra: ne rigardu min, ke mi estas nigreta: la suno min brulkolorigis MT
nigrigi
1 igi ion nigra: nigrigi grizajn harojn
2 (figurasence) malgajigi iun aŭ ion: la malsano nigrigis lian spiriton la malsano nigrigis lian vivon
3 (figurasence) malbonfamigi iun: kalumniante konstante, oni eĉ anĝelon nigrigas Z nigrigi personojn, nur pro tio, ke ili apartenas ne al nia partio Z
nigriĝa rilata al nigriĝo: FOTO nigriĝa kurbo de fotografa plako
nigriĝi iĝi nigra: la koro svenas, la genuoj tremas , kaj ĉies vizaĝoj nigriĝis de teruro MT
nigrulo homo de la t.n. nigra raso (origine el subsahara Afriko), karakterizata precipe de malhela haŭto. Sin. negro. ➞ blankulo, flavulo, ruĝulo.
nigrumi tr kaŝi la lumojn de domoj, stratoj k.s. por defendi sin kontraŭ noktaj flugatakoj:nigrumi urbon nigrumi konvojon
nigrumilo ŝirmilo uzata por nigrumi.
brun1onigra havanta koloron miksitan el bruno kaj nigro: kafujo, kies brunnigra enhavo lasis makulon FSz
eburonigro pigmento akirita per cindrigo de eburo.
fulgonigro, fumonigro KEMI karbono demetita de fumo sur malvarma surfaco kaj uzata por diversaj celoj, i.a. preparo de tuĉo.
ĝisnigre ĝis atingo de nigra koloro: ili estos kuirataj ĝisnigre Z
karbonigra intense nigra: karbonigraj cignoj Z karbonigraj okuloj Z
korve nigra nigra kiel korvo.