PIV 2026 · Artikolo 11806

★partio

Litero P★ Fundamenta

Derivaĵoj en la artikolo 15
  1. partia
  2. partian/o
  3. partian/ec/o
  4. partian/iĝ/i
  5. partiec/o
  6. partiestr/o
  7. dupartia
  8. eksterpartia
  9. Laborpartio
  10. sampartian/o
  11. senpartia
  12. senpartiec/o
  13. senpartiul/o
  14. tripartia
  15. unupartia
★ partio
1 POLI grupo de homoj havantaj samajn socialajn celojn kaj similajn politikajn opiniojn, kaj klopodantaj efektivigi tiujn celojn per partopreno en la ŝtata regado: la socialista partio komunista partio aliĝi al partio Z esti eksigita el partio parlamenta reprezentado de la partioj la Kongreso bedaŭrinde ne povas efektiviĝi, pro tro malgranda nombro da partoprenantoj kaj pro la absoluta rifuzo de aliaj partioj Z ➞ frakcio, skismo, tendenco, klano, koterio, tendaro.
2 ĉiu el la du homoj aŭ homgrupoj, kiu kontraŭstaras al alia en milito, proceso, sporto aŭ ia alia batalo: ĉia partio havas egalan ŝancon venki Z juĝisto devas aŭskulti ambaŭ partiojn la plenda partio
3 unu el la partoprenantaj grupoj en diskuto, kontrakto k.s.: la partoprenantaj partioj de la kontrakto SMa
4 edziĝo rigardata el la vidpunkto de sameco de rango, riĉeco ktp: ili interfianĉiĝis. Kaj tio estis tre ĝusta partio, ambaŭ estis junaj Z ŝi atendis bonan partion por sia filino Z
5 LUDO ĉiu el la ligitaj bataloj inter du aŭ pluraj ludantoj, obeantaj difinitajn regulojn: partio de kartoj partio de bilardo gajni la partion perdi la partion vana partio sendecida, ĉe ŝako se ĉiu el du ludantoj jam gajnis unu partion, la tria estas decida
partia
1 apartenanta aŭ rilata al partio: la partiaj instancoj partia disciplino la partia gazetaro
2 maljuste favora al la sampartianoj: partia intrigo Z mi esperas, ke vi ne rigardos mian opinion kiel partian Z partia ĵurnalisto partia juĝisto kial ĝi agis tiel partie? Z
partiano membro de partio: la partianoj de Cezaro la uzado de la lingvo Esperanto neniun devigas esti partiano de tiu aŭ alia ideo Z la partianoj forkuris de ili la projektistoj Z ili timas, ke mi fariĝas speciale via partiano Z ➞ partizano 1.
partianeco stato de iu, kiu estas membro de partio.
partianiĝi iĝi ies partiano: partianiĝi en disputo
partieco eco de iu, kiu estas partia 2: montri nek partiecon nek antaŭjuĝon
partiestro iu, kiu gvidas partion.
dupartia apartenanta al politika sistemo, en kiu ekzistas nur aŭ precipe du partioj.
eksterpartia ne apartenanta al iu partio. ➞ sendependa.
Laborpartio en kelkaj landoj social-demokrata partio.
sampartiano ano de la sama partio.
senpartia
1 iu montranta neniun favoron al tiu aŭ alia partio; juste juĝanta, ne konsiderante opiniojn aŭ personojn: tial en batalado de la partioj mi devas resti absolute senpartia Z li estas la plej senpartia unuiganto de ĉiuj Z
2 io objektiva: senpartia konsiliĝado Z senpartie elektita institucio Z
senpartieco eco de iu aŭ io senpartia: oni povas nur admiri la konstantan senpartiecon de liaj juĝdecidoj
senpartiulo homo ne apartenanta al partio (striktasence al la ununura partio).
tripartia apartenanta al sociala sistemo, en kies organoj estas reprezentataj la salajruloj, la entreprenestroj kaj la registaro.
unupartia regno en kiu diktatorece regas unu partio, kiu malpermesas la ekziston de aliaj partioj. ➞ totalismo.