PIV 2026 · Artikolo 16082

★truo

Litero T★ Fundamenta

Derivaĵoj en la artikolo 42
  1. trua
  2. trui
  3. truad/o
  4. truet/o
  5. truet/ar/o
  6. truiĝ/i
  7. truil/o
  8. aerotruo
  9. bend/otruil/o
  10. bomb/otruo
  11. bor1truo
  12. braktruo
  13. butontruo
  14. celtruo
  15. eltruig/i
  16. f-truo
  17. homtruo
  18. kart/otruil/o
  19. koltruo
  20. krurtruo
  21. laĉtruo
  22. linitrui
  23. maniktruo
  24. min1truo
  25. mustruo
  26. naztruo
  27. naz/otruo
  28. nigr/a truo
  29. obtur/a truo
  30. oletruo
  31. paftruo
  32. pugtruo
  33. serurtruo
  34. serur/a truo
  35. sontruo
  36. spirtruo
  37. ŝlos/iltruo
  38. ŝpructruo
  39. ŝut/otruo
  40. verm/otrua
  41. verm/otruo
  42. vojtruo
★ truo
1 malplena interspaco aŭ kava loko en solida korpo: sakon kun truo vi neniam plenigos Z ŝiri truon en sia vesto pri la ŝtrumpa truo scias nur la ŝuo Z ĉe botisto la ŝuo estas ĉiam kun truo Z ĝi trabatis per la beko truon en la fenestra aperturo Z malbona vojo kun multe da truoj Z en fremda tegmento li flikas truon Z li drinkas, kiel truo
(figurasence) fosi unu truon, por plenigi alian deprunti por pagi ŝuldon mia mono servis por ŝtopi tre rimarkeblajn truojn Z li havas truon en la manplato li estas malŝparema truon de l’ honoro flikos neniu tajloro Z
➞ nigra truo.
2 aperturo normale aranĝita en aparato: mi vidis lin tra la truo de la seruro Z mia amato etendis sian manon tra la truo MT la tria truo de la harmoniko estas ŝtopita fajfi laŭ la truo de ŝlosilo elflua truo de paraŝuto
3 kaverneto kun mallarĝa enirejo, kie loĝas besto: se muso nur unu truon disponas, ĝi baldaŭ la vivon fordonas Z la vulpo jam devos eliri el sia truo kaj suĉinfano ludos super la truo de aspido MT truo de talpo
4 SPOR en golfo kavo, en kiujn oni devas enigi pilkon: la golfludanto drajvis sian pilkon en la unuan truon
5 SPOR en golfo tuta plurcentmetra parto de golfejo sur kiu oni ludas, dum oni celas al unu specifa truo 4: golfejo kun 18 truoj
trua
1 rilata al truo.
2 truhava: trua plandumo trua pantalono trua ŝtrumpo
trui tr fari truo(j)n en io: trui paperon B robo truita de tineoj flago truita de kugloj trui bileton kontrolinte ĝin
truado ago trui.
trueto malgranda truo: estas pli facile por kamelo iri tra trueton de kudrilo, ol por riĉulo eniri en la regnon de Dio NT
truetaro serio de truetoj maŝine faritaj en paperfolio por plifaciligi la disigon de parto el ĝi, ekz. de poŝtmarkoj.
truiĝi iĝi truita: proleta studento en truiĝinta jako VVa
truilo
1 aparato en formo de pinĉilo por trui fervojajn k.a. biletojn.
2 aparato por trui paperfolion tiel, ke oni povu teni ĝin bonorde en dosierujo.
3 TELE KOMP aparato, regata aŭ per klavaro aŭ de elektronika signalo, por trui trubendon aŭ trukartojn.
➞ bendotruilo, kartotruilo.
aerotruo
1 truo por allasi aeron en ĉambron, keston, internon de maŝino k.s.
2 AVIA atmosfera malsuprenira fluo, kiu abrupte sed mallonge nuligas la portancon de aviadilo.
bendotruilo KOMP TELE HIST truilo 3 por pretigi trubendojn.
bombotruo truo lasita de la eksplodo de bombo.
bor1truo truo, kiun oni boras por tie eksplodigi pulvon k.s. (ekz. en mino).
braktruo TEKS en vestaĵo aperturo, tra kiu pasas brako, eventuale en manikon. Sin. maniktruo.
butontruo TEKS en vesto truo kudrita por ricevi butonon: la butontruo estas eluzita kaj la butono libere eliĝadas oni tuj donas al vi la Vladimiran ordenon en la butontruon Z (figurasence) vi forpelus la Aŭstrojn tra butontruo Z
celtruo en aparato truo, tra kiu devas pasi la rigardo de la celanto.
eltruigi TEKN fabriki longforman objekton (relon, tubon, stangon k.s.) prempuŝante moligitan materialon tra truo, kies formo estas la sekco de la celata objekto.
f-truo MUZI sontruo de violono.
homtruo ĉe kaldrono de vapormaŝino truo, per kiu homo povas eniri por ekzameni aŭ ripari la internon.
kartotruilo KOMP HIST truilo 3 por pretigi trukartojn.
koltruo TEKS en robo, ponĉo k.s. aperturo, tra kiu pasas la kapo, kiam oni surmetas la veston.
krurtruo TEKS en vestaĵo aperturo, tra kiu pasas kruro.
laĉtruo TEKS preparita truo, ordinare fortikigita per ringeto, tra kiu oni pasigas laĉon.
linitrui fari linion da truoj aŭ truetaron.
maniktruo TEKS braktruo.
min1truo ARME kavo en muro, ponto, roko k.c., uzata kiel mino ① 2.
mustruo truo, tra kiu muso eniras en ĉambron: malgranda mustruo en la planko Z
naztruo, nazotruo ANAT ĉiu el la du aperturoj de la nazo, tra kiuj oni spiras: pri ĉevaloj iliaj ruĝetaj nazotruoj estis en senĉesa moviĝado Z el ĝiaj levjatanaj nazotruoj eliras fumo MT mi levis la malbonodoron de via tendaro en viajn nazotruojn MT mi metos mian ringon en viajn nazotruojn MT ĉesu zorgi pri homo, kies animo estas en liaj nazotruoj MT
nigra truo ASTR kolapsinta maso tiom koncentrita, ke neniu objekto povas eskapi ĝian intensan gravitan altiron, eĉ ne lumo.
obtura truo ANAT aperturo inter la iskio kaj la pubosto. obturator foramen
oletruo truo en maŝino, per kiu eblas enigi ŝmiraĵon aŭ lubrikaĵon.
paftruo embrazuro 1.
pugtruo ANAT (familiare) anuso.
serurtruo, serura truo truo en seruro, kie oni metas kaj turnas ŝlosilon: li devis iri supren kaj rigardi tra la serura truo Z Sin. ŝlosiltruo.
sontruo truo por ebligi la eligadon de sonoj: la vento bruas tra aperturoj kaj sontruoj de la preĝeja turo Z sontruoj de gitaro sontruoj de violono
spirtruo
1 natura aperturo, tra kiu iaj bestoj aŭ vegetaĵoj spiradas: spirtruo de heliko mikroskopaj spirtruoj de vegetaĵoj ➞ lenticelo, nazo, stomo, stigmato, stigmo, ŝpructruo.
2 TEKN aperturo en doma muro, tunelo k.s. por enlasi aeron.
ŝlosiltruo serurtruo: la ŝlosilo sidis ankoraŭ en la ŝlosiltruo HBu
ŝpructruo ZOOL spirtruo de iaj marbestoj, tra kiu akvo ŝprucas dum elspiro: ŝpructruo de cetacoj
ŝutotruo HIST en mezepoka fortikaĵo truo en la planko malantaŭ la kreneloj, tra kiu oni povis faligi ŝtonojn, varman oleon k.s. sur sieĝantojn.
vermotrua ligno enhavanta vermotruojn: la nukso estis vermotrua Z vermotrua meblo Sin. vermoborita.
vermotruo truo borita de vermo en ligno.
vojtruo vojkavo.