★trov/i

1 Ekvidi, trafi tion, kion oni serĉas: mi serĉos mian horloĝon, sed mi timas, ke mi ĝin jam ne trovos ^Z; kiu bati deziras, trovas bastonon ^Z; en somero ni trovas malvarmeton en densaj arbaroj ^Z; kie oni trovas tiun artiklon?; eĉ unu polveron vi ne trovos sur lia vesto ^Z; trovi la vojon al la kaŝejo; trovi taŭgan lokon por pikniki, kampadi; la unua demando estas trovi la monon necesan; trovi azilon, rifuĝejon ^Z; (f) trovi novan procedon, la solvon de problemo; li ekkriis: «trovite! trovite! Oro!» ^Z; ĉu vi trovos garantiojn por tiu prunto?; mi ne povas trovi la tempon legi; morgaŭ vi eble okazon ne trovos ^Z; trovi la ĝustan esprimon; (abs) serĉu k vi trovos ^N.

2 Ekvidi fine iun, kiun oni volis renkonti: ili min serĉos, sed min ne trovos ^X; se vi ne trovos lin hejme, serĉu ĉe la drinkejoj; trovinte neniun, kiu volus ŝin akcepti, ŝi baldaŭ mortis en angulo de arbaro ^Z; ili iris, k trovis Marian k Jozefon k la infaneton kuŝantan en la staltrogon; (f) akcianojn ni pli facile trovos, ol oferantojn ^Z; viron unu inter mil mi trovis, sed virinon inter ĉiuj mi tute ne trovis ^X; en tiu verko la pentristo vere trovis sin mem (sian veran personecon).

3 Hazarde ekvidi, unuafoje renkonti ion aŭ iun: eĉ blinda kokino povas trovi grajnon ^Z; trovinte pomon, mi ĝin manĝis ^Z; trovi trezoron, monujon sur la strato, forgesitan ombrelon; nenie semata, ĉie trovata ^Z; oni atendis verkiston, oni trovas homon; ŝi estis unu el la plej belaj knabinoj, kiujn oni povis trovi ^Z; trovita infano; demandu la unuan trovitan! ^Z; trovis malbonulo malbonulon pli grandan ^Z; li trovis sian majstron (iun pli lertan); (analoge) ĉiu abomenaĵo trovas sian adoranton ^Z; tiu sistemo trovus multe da adeptoj ^Z; la domo ne trovis aĉetanton.

4 Eksperti ian senton, impreson; unuafoje travivi: tiuj, kiuj trovas plezuron en la malordo de la malboneco ^X; elmigris Jehuda […], sed ne trovis ripozon ^X; trovi la kuraĝon disiĝi de la amatino; trovi enuon en romano, en la kolektado de poŝtmarkoj; trovi la morton en akcidento.

5 Ricevi de iu alia ian sentan reagon: kiu mensogis per unu vorto, ne trovos kredon ĝis la morto ^Z; se mi trovis plaĉon en viaj okuloj ^X; vi trovos favoron k bonan opinion ĉe Dio k la homoj ^X; miaj projektoj trovis varman aprobon ĉe niaj amikoj ^Z; trovi ĉe iu pli da danko ^X; trovi ies simpation, indiferentecon; trovi bonan akcepton.

6 Ekrimarki, unuafoje konstati ies agon aŭ staton: sekve, se mi lin trovus kuŝanta kun mia edzino, li devus nur nei…? ^Z; ili ĉirkaŭis Danielon k trovis lin preĝanta ^X; mi trovis la domon forlasita k la pordon nefermita; kiam li vekiĝis, li trovis la hirundon forfluginta.

7 Opinii ion aŭ iun ia: trovi la frukton bongusta ^B; mi trovas la ideon ĝusta ^Z; li trovis ŝin tiel bela, ke li sammomente enamiĝis ^Z; ŝi trovis lin laŭ sia gusto ^Z; la komitato faros tiujn ŝanĝojn, kiujn ĝi trovos necesaj ^Z; oni trovas ebla, kion oni deziras ^Z; ĉu vi trovas ĝin konvena, ke juna virino restis la tutan tagon kun kelke da junaj viroj? ^Z; mi trovas superflue tie ĉi detale paroli pri tio ^Z; eble poste trovos mi utile ŝajnigi, ke mi perdis la prudenton ^Z; la gazetoj ne trovas necesa eniĝi en tio ^Z; ni trovis necesa doni la sekvantan klarigon ^Z; mi trovas bona konigi la miraklojn ^N; kiel vi trovas justa agi kun ni, tiel agu ^X.

8 Veni al la opinio, ke: se iu el vi trovas, ke ni devas fari ion aŭ alion ^Z; se la Societo poste iam trovos, ke mi kondukas la aferon ne bone ^Z; mi trovas, ke pli malbona ol la morto estas la virino ^X.