PIV 2026 · Artikolo 4586

★flava

Litero F★ Fundamenta

Derivaĵoj en la artikolo 13
  1. flavo
  2. flavaĵ/o
  3. flavet/a
  4. flavig/i
  5. flaviĝ/i
  6. flaviĝ/o
  7. flavul/o
  8. citronoflava
  9. grizoflava
  10. helflava
  11. kromioflavo
  12. ov1/oflava
  13. ov1/oflavo
★ flava
1 samkolora kiel citrono, oro aŭ matura tritiko: se vi volas eĉ porti miajn kolorojn, vi devas alkudri al via mantelo flavajn ringojn Z (analoge) knabinoj en ŝiritaj vestoj, kun flavaj malsanecaj vizaĝoj Z la flava malsano iktero 1 la flava punkto punkto de plej akra vidado en la retino la flava Tibero pro ŝlimo en la fluo ANAT flava korpo Sin. luteo ➞ Flava Maro, Flava Rivero; blonda, okra, rufa 1, ruĝa; flavino, riboflavino.
2 rilata al tiu el la tri ĉefaj nesciencaj rasaj dividoj de la homaro, kies haŭtkoloron oni imagis flava: la flava raso ➞ flavulo 1 la flava danĝero esprimo de Vilhelmo la 2a, por aludi la danĝeron por la eŭropanoj de la superloĝateco de Azio ➞ blanka 3, nigra 2, ruĝa 4.
3 perfida al la laborista klasbatalo: flava sindikato
flavo
1 la flava koloro: la mirinda flavo de Vermeer malsaneca flavo Z ➞ oro 5.
2 flavaĵo: la flavo de ovo ovoflavo
flavaĵo io flava.
flaveta dube, proksimume flava: nia tero kuŝis en flaveta nebulo Z
flavigi
1 fari ion flava.
2 TEKN plibonigi ŝtalon, traktante ĝin per varmo, ĝis ĝi akceptas flavan aŭ bluan koloron.
flaviĝi iĝi flava: flaviĝas la aŭtunaj folioj flama ruĝo kovris ŝiajn flaviĝintajn vangojn Z
flaviĝo ago flaviĝi, aŭ ties rezulto: la Eternulo frapos vin per flaviĝo de la kreskaĵoj MT
flavulo
1 homo de la t.n. flava raso (origine el orienta Azio, mongoloj, ĉinoj, japanoj ktp), kies haŭtkoloron oni nomis flava 2: homoj el ĉiuj partoj de la mondo, nigruloj, blankuloj, flavuloj intermiksiĝis kaj formis novan genton GLe ➞ blankulo 1, nigrulo, ruĝulo 2.
2 estaĵo kun flava koloro: terura besto kun fajraj okuloj sidas en la nesto de l’ flavulo vulpo B
3 laboristo, kiu oponas la klasbatalan politikon.
citronoflava havanta la saman aŭ similan flavan koloron kiel matura citrono.
grizoflava naturkolora lano k.s. havanta koloron, en kiu flavo kaj grizo miksiĝas.
helflava prezentanta helan flavkoloron.
kromioflavo KEMI plumba kromiato. PbCrO4
ov1oflava havanta la saman aŭ similan koloron kiel ovoflavo.
ov1oflavo interna flava parto de ovo 1, riĉa je proteinoj, lipidoj (i.a. lecitino) kaj vitaminoj A kaj D: ĉiuj ovoflavoj viviĝis kaj elŝovis la kapon Z KUIR piprita ovoflavo ALö Sin. vitelo.