PIV Reta Vortaro

PIV 2020 · 4586

flav/a

1 Samkolora, kiel citrono, oro, matura tritiko: se vi volas porti miajn kolorojn, vi devas alkudri al via mantelo flavajn ringojn ; (analoge) knabinoj en ŝiritaj vestoj, kun flavaj (malsanecaj) vizaĝoj ; la flava malsano (iktero); la flava punkto (punkto de plej akra vidado en la retino); la flava (ŝlimflua) Tibero; la Rivero Flava (Hoang Ho); flava korpo ( luteo); citronflava, ovoflava. blonda, okra, rufa, ruĝa.

2 Rilata al unu el la tri ĉefaj, nesciencaj dividoj de la homaro, karakterizata de haŭtkoloro de roze flaveta ĝis mahagone ruĝa: la flava raso; la flava danĝero (esprimo de Vilhelmo la 2a, por aludi la danĝeron por la Eŭropanoj de la superloĝateco de Azio).

3 Perfida al la laborista klasbatalo: flava sindikato.

flavo

1 La flava koloro: la mirinda flavo de Vermeer; malsaneca flavo .

2 Flavaĵo: la flavo de ovo .

flavaĵo. Io flava.

flaveta. Dube, proksimume flava: nia tero kuŝas en flaveta nebulo .

flavigi

1 Fari, ke io estu flava.

2 Plibonigi ŝtalon, traktante ĝin per varmo, ĝis ĝi akceptas flavan aŭ bluan koloron.

flaviĝi. Iĝi flava: flaviĝas la aŭtunaj folioj; ŝiaj vangoj flaviĝis ; la Eternulo frapos vin per (malsana) flaviĝo de la kreskaĵoj .

flavino Ruĝflava hetero-kvarcikla aromata ketono, C₁₀H₆N₄O₂.

flavulo

1 Homo el la flava raso.

2 Laboristo oponanta al la klasbatala politiko.

grizflava. Havanta koloron, en kiu flavo k grizo miksiĝas ( naturkolora lano).

helflava. Prezentanta helan flavkoloron.

laktoflavino = riboflavino.

riboflavino Flava, akvosolvebla substanco C₁₇H₂₀O₆N₄ (vitamino B2), kies manko kaŭzas lezojn de la haŭto k mukozoj: riboflavino troviĝas libera en la naturo k ankaŭ kiel konsistiga parto de kunenzimoj grave rolantaj en la ĉela metabolo. flavnukleotido, flavoproteino.

ovoflavo ovo.