★or/o

1 Ⓚ Elemento, Au, atomnumero 79, atommaso 196,97.

2 Ⓚ ⊕ Metalo el la kuba sistemo, ruĝe flava aŭ flava, estiĝinta en vejnoj, koncentrita en aluvioj aŭ en detritaj petroj; la plej maleebla k dratigebla el ĉiuj metaloj: solvaĵo, kombinaĵo de oro; folioj, pulvoro el oro; filigrano el oro; virga, rafinita oro; trinkebla oro (⚗ solvaĵo el ora klorido).

3 Tiu metalo, rigardata kiel tre multevalora k tial uzata en juvelarto, monfabrikado ks: ne ĉio estas oro, kio brilas ^B; ne valoregalas al ĝi (la prudento) oro k vitro ^X; ne deziru alpreni al vi la arĝenton aŭ oron, kiu estas sur ili (idoloj) ^X; ili venos el Ŝeba, portos oron k olibanon ^X; statuo el masiva oro; temp’ estas valoro simile al oro ^Z; al or’ similas la silento ^Z; pagi per oro (ne per monbiletoj); el la militakiritaj urboj li fortrenis kun si oron k grandajn trezorojn ^Z; £ rezervoj de oro (de banko, lando); suferi je grava elfluo de oro; malpermeso de oreksporto. ➞ orbati, orbriko, orbulo, orpigmento.

4 Monabundo, riĉeco: la avida serĉado de oro ^Z; ĉu mi faris la oron mia espero? ^X; kiu havas oron, havas honoron ^Z; por sia oro ĉiu estas sinjoro ^Z; ne defendas oro kontraŭ doloro ^Z; ilo el oro taŭgas por ĉiu laboro ^Z (per mono oni faras ĉion).

5 (f) Multevalora, bonega afero: lia kapo estas pura oro ^X; ĝentila k trankvila, kun koro el oro ^Z; li estas tute el oro k fero (nekorupteble firma); ĉiuj liaj versoj estas fajna oro.

6 ⛨ Flavo.