PIV 2026 · Artikolo 9093

★lando

Litero L★ Fundamenta

Derivaĵoj en la artikolo 66
  1. landa
  2. /lando
  3. landan/o
  4. landid/o
  5. alilanda
  6. alilandan/o
  7. alilandul/o
  8. Arg/olando
  9. Balt/a/j Lando/j
  10. banuslando
  11. Ĉadlando
  12. ĉi-landa
  13. Daŭfenlando
  14. duklando
  15. eksterlanda
  16. eksterlando
  17. eksterlandan/o
  18. emirlando
  19. Unu/iĝ/int/a/j Arab/a/j Emirlando/j
  20. enlanda
  21. episkoplando
  22. evoluolando
  23. Fajr/olando
  24. federaci/a lando
  25. fremdlanda
  26. fremdlando
  27. fremdlandan/o
  28. fremdlandul/o
  29. graf1lando
  30. grand/duklando
  31. hejmlando
  32. hejm/olando
  33. interlanda
  34. Kab1lando
  35. Nord/a Kab1lando
  36. Okcident/a Kab1lando
  37. Orient/a Kab1lando
  38. Kuklando
  39. kunlandan/o
  40. Mirlando
  41. nask1/iĝlando
  42. nask1/olando
  43. nenieslando
  44. Niĝerlando
  45. Orlando
  46. patr/olando
  47. prefektolando
  48. princolando
  49. reĝolando
  50. Rom/a Reĝolando
  51. Unu/iĝ/int/a Reĝolando
  52. Rejnlando
  53. Rejnlando=Palatinat/o
  54. samlandan/o
  55. Sarlando
  56. satraplando
  57. senlanda
  58. senjorlando
  59. sultanlando
  60. Tog2/olando
  61. tropiklando
  62. Tur2lando
  63. tutlanda
  64. Venecilando
  65. vojevodlando
  66. Volta2lando
★ lando
1 parto de la tersurfaco rigardata kiel geografia apartaĵo: la fruktoriĉa lando fariĝis dezerto MT en la varmaj landoj Z dezerto, lando ne loĝata MT tra lando de stepoj kaj kavoj MT en nia lando sin ne trovas montoj FE en landoj transmaraj estas oraj arbaroj Z mi kredas, ke ĉiu lando apartenas ne al tiu aŭ alia gento Z Moseo kaj la popolo Izrael vojiris al la promesita lando Kanaan Z (figurasence) la lando de la revoj ➞ grundo, regiono, tero, landinterno.
2 teritorio kun historia specifeco, t.e. ligita kun nacio, etno k.s.: malamiko venis en nian landon FE la regnestro de nia lando FE li ne konis la landon de la Longobardoj Zla kanto cirkulis tra la tuta lando Z en fremda lando Z serĉante per la kor’ la grekan landon Z lando de libereco, lando de estonteco Usono, mi vin salutas! Z ➞ regno, ŝtato, landlimo.
3 naskiĝejo aŭ patrujo: mia vilaĝo restis por mi la plej kara lando li fariĝis la fiero de sia lando Z la junaj homoj elmigru el la lando Z sopiri al sia lando ➞ patrolando.
4 loĝantaro de tiu patrujo: nia lando venkos, ĉar nia militistaro estas brava FE ĉu ne malpuriĝus per tio tiu lando? MT se danĝero al la lando
Minacas kaj ankoraŭ estas eblo
La landon antaŭsavi Z
landa rilata al lando: landa strukturo landa armeo landaj apartaĵoj
lando sufikso
1 lando loĝata de la popolo montrata de la radiko. Sin. uj-, i 3. ➞ Finnlando, Pollando, Skotlando, Svislando.
2 lando nomata laŭ tio, kion montras la radiko. ➞ Ĉadlando, Kablando, Kuklando, Rejnlando.
3 teritorio regata de nobelo aŭ suvereno montrata de la radiko. ➞ duklando, graflando, princlando, reĝlando.
1 En kelkaj geografiaj nomoj land estas parto de la radiko: Nederlando, Holando, Kvinslando, Zelando 1 k.a.
landano loĝanto de lando.
landido indiĝeno.
alilanda rilata al alia lando: lingvo, kiu taŭgas nur por lama rimedo en alilandaj hoteloj Z «tio estas alilandaj manieroj!» diris la kardoj Z
alilandano, alilandulo homo, kiu apartenas al lando alia ol la aludita: multaj el niaj usonaj amikoj, kiuj ankoraŭ ne havis la okazon aŭskulti Esperanton parolatan de alilanduloj Z
Argolando antikva regiono en la nordorienta parto de Peloponezo kun la urbo Argo. ἈργολίςArgolís
Baltaj Landoj GEOG Baltujo.
banuslando regiono regata de banuso: la hungara kaj aŭstrohungara ŝtato kaj ene de ĝi ĉefe la kroata banuslando ZTi Sin. banusejo.
Ĉadlando (evitinde) = Ĉado 1.
ĉi-landa estanta en ĉi tiu lando: «vi malgranda griza ĉi-landa birdo!» diris la kanario Z
Daŭfenlando GEOG HIST historia regiono en sudorienta Francujo. ➞ daŭfeno. Dauphiné ĉefurbo: Grenoblo
duklando lando regata de duko (aŭ dukino): la Duklando Cornwall Kornvalo HLu Ŝvabujo estas iama germana Duklando HGK ➞ grandduklando.
eksterlanda rilata al alia lando: ministro de aferoj eksterlandaj Z
eksterlando ĉio, kio estas ekster la koncerna lando: dum duono da jaro li vojaĝadis en la eksterlando Z dank’ al nia penado ni baldaŭ ne bezonos honti antaŭ la eksterlando Z mi preskaŭ sola el miaj samlernejanoj korespondis kun eksterlando OE
eksterlandano homo ne apartenanta al la koncerna lando: multaj el ni jam korespondas kun eksterlandanoj SEn vi verŝajne estas eksterlandano, venis pro la internacia konferenco, ĉu ne? CPi partoprenis ĉirkaŭ 60 personoj, inter kiuj ankaŭ eksterlandanoj el Britio, Belgio kaj Nederlando ABu
emirlando teritorio, kies suvereno estas emiro.
Unuiĝintaj Arabaj Emirlandoj GEOG federacio de sep emirlandoj sur la Araba Duoninsulo, inter la Persa Golfo kaj la Omana Golfo. ĉefurbo: Abudabio; mallongigo: UAE
enlanda rilata al la lando mem koncernata: la enlandaj aferoj enlanda kongreso
episkoplando
2 HIST lando, kies suvereno estis episkopo.
evoluolando tia lando, kiu ne povas progresi sen ekstera helpo: la evolulandoj atingis pli altan industrian kreskon EGv
Fajrolando GEOG insularo sude de Sud-Ameriko, apartigita disde la kontinento per la Magelana Markolo. Tierra del Fuego la nomon Fajrolando donis Magelano pro la multaj fajroj, kiujn la indiĝenoj kutime faris por sin varmigi, eĉ ene de siaj kanuoj MSo granda merkato de Alasko ĝis Fajrolando MD
federacia lando POLI en Germanujo kaj Aŭstrujo) subŝtato: Brandenburg, la federacia lando en Germanujo, kiu ĉirkaŭas Berlinon SMa Stirio estas aŭstria federacia lando WKl ➞ kantono 1, provinco.
fremdlanda rilata al aŭ veninta el fremdlando: fremdlanda kreskaĵo, tro delikata por la ĝardenoj de la nordo Z junulino kun fremdlandaj aspekto kaj parolmaniero HLu fremdlanda turisto VVa fremdlanda diplomato FSz
fremdlando unu el la landoj situantaj ekster la koncerna: bona estas fremdlando, sed aliaj tie loĝu Z en fremdlandon pelis ŝin la sorto! Z
fremdlandano persono el fremda lando: tiu urbo ankaŭ enhavas en si milojn da fremdlandanoj VLa Sin. fremdlandulo.
fremdlandulo fremdlandano: ŝia klereco estas tute ne granda; sed ŝi estas fremdlandulino Z
graf1lando
1 HIST lando regata de grafo 1: ne mankos al mi regno, kiun mi gajnos, nek graflando, kiun mi donos al vi FPV
2 regiono, kiu iam estis regata de grafo 1: la irlanda insulo konsistas el kvar provincoj kaj 32 graflandoj GMc
3 regiono, kiu estas nomata kvazaŭ ĝin iam regus grafo 1, ĉar la koncerna lando pruntis sian administran terminologion el lando, kiu havis efektivajn graflandojn: Masaĉuseco estas dividita en 14 graflandojn
2 Por tiaj regionoj ne ekzistas stabila termino en Esperanto. Krom graflando oni uzas tiusence ankaŭ distrikto, kantono 1 kaj konteo.
grandduklando lando regata de grandduko aŭ granddukino. ➞ duklando.
hejmlando, hejmolando terpeco, kie oni naskiĝis, kaj kie oni havas sian hejmon: mia hejmolando mi nomas tiun landon, en kiu mi estas konstanta loĝanto Z ➞ patrujo.
interlanda rilata al ligoj inter landoj: instigi sciencistojn adopti universalan lingvon por interlanda interkompreniĝo Ko fakdelegito pri politiko kaj interlanda kunlaboro RE ➞ translandlima.
Kab1lando GEOG HIST iama provinco de Sud-Afriko, ĉe la Bonespera Kabo, nun dividita en tri provincojn.
Norda Kab1lando GEOG provinco en nordokcidenta Sud-Afriko. Noord-KaapMntla-KoloniNorthern Cape ĉefurbo: Kimberley
Okcidenta Kab1lando GEOG provinco en sudokcidenta Sud-Afriko. Wes-KaapiNtshona-KoloniWestern Cape ĉefurbo: Kaburbo
Orienta Kab1lando GEOG provinco en sudorienta Sud-Afriko. Oos-KaapiMpuma-KapaEastern Cape ĉefurbo: Bisho
Kuklando fantazia lando, en kiu abundas ĉiaj frandaĵoj kaj plezuriloj.
kunlandano samlandano: mi estas via kunlandano Z
Mirlando fantazia lando loĝata de feoj kaj plena de mirindaĵoj: Alico en Mirlando
nask1iĝlando, nask1olando la loko de ies naskiĝo: ĝi revenis en sian naskiĝlandon, ĝi ricevis saluton de bonveno Z
nenieslando
1 parto de senmastra nekulturata tero.
2 ARME spaco inter du malamikaj tranĉeoj.
Niĝerlando = (prefere) Niĝero 1.
Orlando MITO Eldorado.
patrolando patrujo: mia patrolando mi nomas tiun landon, en kiu mi naskiĝis Z
prefektolando distrikto aŭ alispeca administra unuo regata de prefekto: Japanujo estas dividita en 47 prefektlandojn
princolando lando regata de princo: ili restos dividitaj kaj subdividitaj en etaj komunumoj aŭ princlandoj laŭ siaj naturaj limoj EPr Sin. princujo.
reĝolando lando regata de reĝo: mi salutas la saksan reĝlandon Z
Roma Reĝolando HIST reĝlando, kies ĉefurbo estis Romo, 753 a.K.E. – 509 a.K.E. ➞ Roma Regno, Roma Respubliko, Roma Imperio.
Unuiĝinta Reĝolando Britujo 2.
Rejnlando GEOG tuto de la germanaj regionoj ĉe Rejno; dividita inter la germanaj federaciaj landoj Nord-Rejno-Vestfalio kaj Rejnlando-Palatinato. Rheinland
Rejnlando=Palatinato unu el la federaciaj landoj de Germanujo. Rheinland-Pfalz ĉefurbo: Majenco
samlandano ano de la sama lando: malpaco inter la samlandanoj Z li estis Dano, mia samlandano Z Sin. kunlandano.
Sarlando lando de Germanujo ĉe la rivero Saro. Saarland
satraplando provinco regata de satrapo.
senlanda ne havanta landon. ➞ Johano Senlanda.
senjorlando landoparto aŭ urbo regata de senjoro.
sultanlando lando regata de sultano. Sin. sultanejo.
Tog2olando GEOG lando en Okcident-Afriko, inter Ganao kaj Benino. ĉefurbo: Lomeo ➞ Togo 2.
tropiklando unu el la landoj en la regiono inter la du tropikoj.
Tur2lando regiono en Francujo ĉirkaŭ la urbo Turo 2. Touraine
tutlanda rilata al tuta lando: tutlandaj societoj esperantistaj Z ➞ tutnacia.
Venecilando la regiono ĉirkaŭ Venecio. Veneto ➞ doĝo.
vojevodlando distrikto aŭ provinco regata de vojevodo: la 16 vojevodlandoj provincoj de Pollando
Volta2lando HIST (eksa nomo) Burkino 2.