PIV 2026 · Artikolo 16075

★tropiko

Litero T★ Fundamenta

Derivaĵoj en la artikolo 6
  1. Tropiko de Kankr/o
  2. Tropiko de Kaprikorn/o
  3. tropika
  4. intertropika
  5. subtropika
  6. subtropiko
★ tropiko
1 GEOG norda aŭ suda latitudo plej fora de la ekvatoro, ĉe kiu la suno povas esti rekte super observanto: la Tropiko de Kankro aŭ la Tropiko de Kaprikorno.
2 ASTR ĉiu el la du respondaj cirkloj sur la ĉiela sfero, kie la suno ŝajne turnas sian iron, atinginte sian plej grandan deklinacion.
3 = (prefere) tropiklando.
Tropiko de Kankro GEOG la latituda paralelo je 23°27′ norde de la ekvatoro. ➞ Kankro.
Tropiko de Kaprikorno GEOG la latituda paralelo je 23°27′ sude de la ekvatoro. ➞ Kaprikorno.
tropika
1 rilata al geografia aŭ astronomia tropiko.
2 rilata al la tropiklandoj: tropikaj plantoj tropikaj malsanoj tropika depresio tropika flaŭro tropika faŭno tropika pluvarbaro tropika varmo
intertropika troviĝanta inter la du tropikoj: la intertropika zono intertropika klimato
subtropika rilata al subtropiko: ne nur subtropikaj varmo, plaĝoj kaj palmoj estas allogaĵoj por turistoj RPy subtropika klimato
subtropiko klimata zono norde kaj sude de tropiko 1. Sin. subtropika zono.