★region/o

1 Parto de lando aŭ de ia spaco, kun karakterizaj ecoj: montara, apudmara, Pariza regiono; la industriaj regionoj de Britio; ekonomia regiono; kiam en tiun regionon venas la nebulo […] ^Z; la preĝejoj de tiu regiono staras kiel pecoj da roko ^Z; estis bele vidi novajn regionojn k novajn homojn ^Z; la altaj regionoj de la atmosfero.

2 ❤ Korpoparto difinita en priskriba anatomio pro ĝiaj karakterizaj ecoj: deltoida regiono (regio deltoidea); la lumba regiono; ⚕ la alarma regiono (interna parto de la superspina kavo de la skapolo, kie oni ofte aŭdas la unuajn simptomojn de la pulma tuberkulozo).

3 (f) Sfero, kampo de efiko de aferoj, prezentanta ian specialan econ: doma mastrumaĵo, jen estas la regiono de la (virina) laborado ^Z; miaj scioj en la regiono de la sciencoj naturaj estas tiel supraĵaj ^Z; tio ĉi estas perdo por la aliaj regionoj de scienco ^Z; neniu el tiuj provoj eliris el la regiono de projektoj ^Z; la regiono de revoj ^Z.

4 ∆ Koneksa malfermita aro.