PIV · 132
★adres/o
★adres/o
1 Preciza loĝloko de persono, firmo ks, difinita per strato, urbo ktp: mia nuna adreso estas la sekvanta Z; telegrafa adreso (mallongigita aŭ simbolforma, por uzado en telegramoj).
2 Surskribo, sur koverto aŭ pako, montranta la nomon k la precizan loĝlokon de la persono, firmo ks, al kiu ĝi estas sendita: sub la adreso de sro Bourlet mi multe korespondis kun la grupo Pariza Z; (f) ili esprimis sub mia adreso sian favoron por la afero E. Z; la kritiko trafis sian adreson.
3 💻 Nombro indikanta la lokon, kie dateno estas tenata en memoro: absoluta, relativa, virtuala, fizika adreso; adresspaco; adresingo (dateningo por teni adreson).
adresi (tr)
1 Skribi adreson sur leteron, pakon ks.
2 Sendi ion al ies loĝloko: mi adresis la manuskripton rekte al la presisto.
3 (f) Direkti parolon al iu: adresi al iu sian dankon Z. ☞ sin turni.
adresanto. Tiu, kiu adresas.
adresaro. Kajereto, kun la adresoj de ies konatoj.
adresato Z
1 Tiu, kies nomon surhavas letero aŭ pako.
2 Λ Tiu, al kiu estas direktata mesaĝo.
adresaparato. Maŝino por surpresi la adresojn sur leterojn, banderolojn ks.
retadreso 💻 Signoĉeno, uzata en retpoŝto por indiki uzanton k komputilon.