★german/o

germana. Rilata al la germanoj: la germana lingvo ^Z, lando ^Z; la germana Regno, Imperio; ♜ Germana Demokratia Respubliko (GDR, 1949−1990, en la E parto de nuna Germanio).

Germanio, ★Germanujo. Regno (FRG) en C Eŭropo (Berlino).

germanigi. Doni al io germanan karakteron.

germanismo. Aparta dirmaniero aŭ moro karakteriza de la germanoj.

germanisto. Specialisto pri la germana lingvo.

germanlingva. Uzanta la germanan lingvon: germanlingva verkisto, la germanlingva Svislando.

Germanlingvio. Tuto de la teritorioj aŭ medioj, en kiuj estas uzata la germana lingvo.

altgermana. Rilata al la germana lingvo, origine parolata en S-Germanio, nun en komuna literatura uzado.

basgermana. Malaltgermana.

judgermana. Jida: judgermana ĵargono ^Z.

malaltgermana. Rilata al la nordaj germanaj dialektoj, kiujn ne trafis la dua konsonantŝoviĝo. Sin. basgermana. ☞ platdiĉa, Nederlanda.

malnovgermana. Rilata al la formo de la germana lingvo, uzata en la 8a-11a jc.

svisgermana. Rilata al la germanaj dialektoj, parolataj en Svislando, k al la koncerna teritorio. ☞ alemana.