PIV 2026 · Artikolo 5485

grundo

Litero G

Derivaĵoj en la artikolo 6
  1. grunda
  2. grundi
  3. grundad/o
  4. plafongrundo
  5. subgrunda
  6. subgrundo
grundo
1 tero rilate al kreskado de vegetaĵoj: la ĥemia konsisto de grundo fekunda grundo sterila grundo sur nia grundo abundas lapoj sube en la grundo la planto elmetas siajn radikojn grundo taŭga por vinberujo kompakta grundo loza grundo sabla grundo torfa grundo argila grundo kultivi en eksterdoma grundo en kampo (figurasence) prepari favoran grundon por propagando ➞ tereno.
2 tero kiel bazo por konstruo por starigo de io k.s.: la grundo, sur kiu ĝi Amsterdamo kuŝas Z ni havu sub niaj piedoj firman grundon Z 300 metrojn super la grundo tio estas grundo kvazaŭ kreita por dancado, plata kiel telero Z en la malseka argila grundo oni povis vidi la postesignojn de iliaj piedoj Z natura grundo batita grundo ebena grundo dekliva grundo homogena grundo roka grundo ŝlima grundo (figurasence) ni do restu sur la firma grundo de la konstatitaj faktoj ➞ fundo.
3 natura aŭ pretigita tera supraĵo sub tavolo da akvo (kanalo, rivero aŭ maro): ŝtonkovrita grundo de kluzo
4 MEDI stato de organismo rilate al ties rezisto kontraŭ infekto, operacio ktp: diabeta grundo estas malfavora
5 = (prefere) fono 1: pentraĵoj sur ora grundo Z
grunda rilata al grundo: grunda analizo grunda konsisto
grundi ntr MARN esti ĵetita sur nesufiĉe profundan grundon, kaj resti tie nemoveble: la ŝipo grundis sur sablaĵo la ŝipo grundis sur marbordo Sin. enfundiĝi.
grundado akcidento, per kiu ŝipo grundas.
plafongrundo KONS la tuto de la naturaj grundo kaj subgrundo sur tunelo: se la plafongrundo ne estas tute el firma roko, oni malhelpas ĝian falon per volbo de tunelo
subgrunda rilata al subgrundo:
1 ĥemiaj postlasaĵoj, ĉu en la grundo, ĉu en la subgrunda akvo, maltrankviligas JBu
2 subgrunda elektronika muziko Ko
subgrundo
1 EKOL GEOL tavolaro de la terkrusto, kuŝanta sub grundo 1.
2 medio de nekonformistoj.