PIV 2026 · Artikolo 6627

★insulo

Litero I★ Fundamenta

Derivaĵoj en la artikolo 41
  1. Insulo de Princ/o Eduard/o
  2. insula
  3. insulan/o
  4. insulan/ism/o
  5. insular/o
  6. Franc-Jozef1/a Insular/o
  7. Havaj/a Insular/o
  8. Kajman/a Insular/o
  9. Kuk-Insular/o
  10. Marmor/a Insular/o
  11. Verd/a/kab1/a Insular/o
  12. insulec/o
  13. insulet/o
  14. pankreat/a insulet/o
  15. Al/vent/a/j Insulo/j
  16. Aŭkland/a/j Insulo/j
  17. Bel1-Insulo
  18. Borome/a/j Insulo/j
  19. du/oninsulo
  20. Arab/a Du/oninsulo
  21. Balkan/a Du/oninsulo
  22. Iber/a Du/oninsulo
  23. Ital/a Du/oninsulo
  24. Kaliforni2/a Du/oninsulo
  25. Kore1/a Du/oninsulo
  26. Labrador/a Du/oninsulo
  27. Malaj/a Du/oninsulo
  28. Fero/a/j Insulo/j
  29. glaciinsulo
  30. Manik-Insulo/j
  31. Manks-Insulo
  32. Marian2/a/j Insulo/j
  33. Marmor/a Insulo
  34. Norfolk-Insulo
  35. Pask-Insulo
  36. Rod-Insulo
  37. Sandviĉ/a/j Insulo/j
  38. Sub/vent/a/j Insulo/j
  39. Sund1/a/j Insulo/j
  40. trafikinsulo
  41. Vankuver-Insulo
★ insulo
1 GEOG terparto ĉiuflanke ĉirkaŭita de akvo: Korsiko estas insulo la insulo de feliĉo fabela Z BIBL la Insuloj Kreto kaj aliaj mediteraneaj insuloj loĝataj de paganoj
2 (figurasence) io simila aŭ analoga al insulo: insulo da germanlingvanoj en hungara lando tio estis insulo da verdaĵo en tiu dezerta regiono
Insulo de Princo Eduardo GEOG provinco en orienta Kanado. Prince Edward IslandÎle-du-Prince-Édouard
insula rilata al insulo(j).
insulano loĝanto de insulo.
insulanismo
2 (figurasence) izoliĝemo.
insularo grupo de insuloj. ➞ arkipelago.
Franc-Jozef1a Insularo GEOG insularo en la Arkta Oceano, oriente de Spicbergo. Земля Франца-ИосифаZemlja Frantsa-Iosifa
Havaja Insularo GEOG insularo en la norda parto de Polinezio, ĉ. 3650 km okcidente de la nord-amerika kontinento. Hawaiian Islands ➞ Havajo.
Kajmana Insularo GEOG
1 insularo sude de Kubo 2 kaj nordoriente de Honduro, en Grandaj Antiloj.
2 transmara teritorio de Britujo en la okcidenta parto de la Kariba Maro, sur la Kajmana Insularo 1.
Cayman Islands
Kuk-Insularo GEOG insularo en Oceanio, nordoriente de Nov-Zelando; nomita laŭ la brita esploristo James Cook [Kuk]. Cook Islands
Marmora Insularo GEOG insularo en la Marmora Maro. ➞ Marmora Insulo.
Verdakab1a Insularo GEOG = (prefere) Kaboverdo.
insuleco
1 eco de lando, kiu konsistas el unu aŭ pluraj insuloj.
2 EKOL aparta eco de la vivuloj kaj biocenozoj de insuloj: ĉe bestoj insuleco ofte manifestiĝas per relativa malgrandeco kaj tendenco al melanismo
insuleto
1 malgranda insulo.
2 ANAT ĉiu el la etaj ĉelgrupoj kun difinita aspekto kaj funkcio, disaj en organismo aŭ alifunkcia organo.
pankreata insuleto ANAT ĉiu el la multegaj partetoj de pankreato, kiuj enhavas ĝiajn senduktajn glandojn. ➞ insulino.
Alventaj Insuloj GEOG la pli sudaj el Malgrandaj Antiloj, i.a. Barbado 2, Dominiko 1, Grenado 2, Kuracao 2, Martiniko kaj Sankta Lucio. Windward IslandsÎles du Vent
Aŭklandaj Insuloj GEOG grupo de insuloj sudokcidente de Nov-Zelando. Auckland Islands
Bel1-Insulo GEOG
1 franca insulo en Bretonujo. Belle-Île-en-Mer
2 unu el la Boromeaj Insuloj en Italujo. Isola Bella
Boromeaj Insuloj GEOG tri insuloj kaj du insuletoj en la lago Maĝoro 2, famaj pro siaj ĝardenoj. Isole Borromee
duoninsulo GEOG terparto ĉirkaŭita de akvo krom sur unu flanko: la Jutlanda duoninsulo Z Italujo, Hispanujo kaj Grekujo estas tri grandaj duoninsuloj en la sudo de Eŭropo
Araba Duoninsulo GEOG duoninsulo en okcidenta Azio, nordoriente de Afriko, inter la Ruĝa Maro, la Araba Maro, la Omana Golfo kaj la Persa Golfo. شِبْهُ الْجَزِيرَة الْعَرَبِيَّةshibhu l-jazīra l-ʿarabiyya Sin. Arabujo.
Balkana Duoninsulo GEOG duoninsulo en sudorienta Eŭropo, inter Adriatiko, la Egea Maro, Mediteraneo kaj la Nigra Maro. Sin. Balkanio.
Ibera Duoninsulo GEOG duoninsulo en sudokcidenta Eŭropo, sude de Pireneoj, sur kiu situas Hispanujo kaj Portugalujo. Península Ibérica
Itala Duoninsulo GEOG sudeŭropa mediteranea duoninsulo, sur kiu situas granda parto de Italujo, Sanmarino kaj Vatikano. Penisola italiana
Kaliforni2a Duoninsulo GEOG duoninsulo en nordokcidenta Meksiko, etendiĝanta sude de la usona landlimo, laŭlonge de Pacifiko. Baja California
Kore1a Duoninsulo GEOG duoninsulo en orienta Azio, inter la Flava Maro kaj la Japana Maro (la Orienta Maro). 한반도Hanbando
Labradora Duoninsulo GEOG kanada duoninsulo inter Atlantiko, la Hudsona Golfo kaj la rivero Sankta Laŭrenco; ĝi enhavas la regionon Labradoro. Labrador Peninsula
Malaja Duoninsulo GEOG duoninsulo sude de Hindoĉinujo, inter la Hinda Oceano kaj la Ĉina Maro. Semenanjung Tanah MelayuคาบสมุทรมลายูKhābs̄muthr mlāyū
Feroaj Insuloj GEOG Ferooj.
glaciinsulo blokego el kontinenta glacio flosanta sur apudpolusa maro.
Manik-Insuloj insularo en la Maniko 1, proksima al Normandujo. Channel IslandsÎles Anglo-Normandes ➞ Gernezejo, Ĵerzejo.
Manks-Insulo GEOG insulo inter Anglujo kaj Irlando, dependanta rekte de la angla krono. Isle of Man ➞ mankso.
Marian2aj Insuloj GEOG Marianoj 2.
Marmora Insulo GEOG la plej granda insulo en la Marmora Insularo. Marmara Adası
Norfolk-Insulo GEOG insula teritorio de Aŭstralio en Oceanio; nomita laŭ Mary Howard, iama dukino de la graflando Norfolk en Britujo. Norfolk Island
Pask-Insulo GEOG insulo en Pacifiko, speciala teritorio de Ĉilio. Isla de Pascua
Rod-Insulo GEOG ŝtato de Usono. Rhode Island ĉefurbo: Providence
1 La nomelemento Rhode [Rod] ne havas klaran sencon.
Sandviĉaj Insuloj GEOG HIST (eksa nomo) Havajo.
Subventaj Insuloj GEOG la pli nordaj el Malgrandaj Antiloj, i.a. Angilo 2, Antigvo kaj Barbudo, Gvadelupo, Moncerato kaj Sankta Kristoforo kaj Neviso. Leeward IslandsÎles-Sous-le-Vent
Sund1aj Insuloj GEOG insularo sude de la duoninsulo de Malako ĝis Molukoj. Kepulauan Sunda
trafikinsulo TRAF eta regiono inter la du trafikfluoj de ŝoseo, kie transirantaj piedirantoj povas paŭzi.
Vankuver-Insulo GEOG insulo en kanada provinco Brita Kolumbio, situanta oriente de la urbo Vankuvero. Vancouver IslandÎle de Vancouver