PIV 2026 · Artikolo 1500
Azio
Derivaĵoj en la artikolo 16
Azio GEOG la mondoparto, kiu etendiĝas oriente de Eŭropo 1, de la Arkta Oceano ĝis la Hinda Oceano kaj de Uralo ĝis la Beringa Markolo.
azia rilata al Azio: aziaj imperioj aziaj dezertoj
afrikazia, afrik-azia LING rilata al lingvofamilio parolata precipe en okcidenta Azio, norda Afriko, la Korno de Afriko, Saharo kaj Sahelo; la familio inkluzivas la araban lingvon.
Centra Azio regiono de Azio nuntempe difinita kiel konsistanta el la landoj Kazaĥujo, Kirgizujo, Taĝikujo, Turkmenujo kaj Uzbekujo.
Malgrand-Azio, Malgranda Azio larĝa duoninsulo inter la Nigra Maro, la Egea Maro kaj Mediteraneo. Sin. Anatolio. ➞ Ĥatio.
orientazia, orient-azia rilata al la oriento de Azio.
Sud-Azio, Suda Azio regiono de Azio nuntempe plej ofte difinita kiel konsistanta el la landoj Barato 1, Pakistano, Bangladeŝo, Nepalo, Butano 2, Srilanko, Maldivoj kaj ankaŭ (sed ne ĉiam) Afganujo; iafoje ankaŭ Birmo kaj Irano estas enkalkulataj. ➞ hinda subkontinento, Hindujo 1.
sudazia, sud-azia LING rilata al granda lingvofamilio parolata tra Sud-Azio, Orient-Azio kaj la ĉeftero de Sudorient-Azio; la familio inkluzivas la vjetnaman lingvon.
Sudorient-Azio, Sudorienta Azio regiono de Azio nuntempe difinita kiel konsistanta el la landoj Birmo, Brunejo, Filipinoj, Indonezio, Kamboĝo, Laoso, Malajzio, Orienta Timoro, Singapuro, Tajlando kaj Vjetnamujo. ➞ Ekstrem-Oriento.