PIV 2026 · Artikolo 11179
oceano
Derivaĵoj en la artikolo 11
oceano
1 interkontinenta salakva marego: post longa naĝado en ŝtorma oceano, jen li trafis florplenan insulon CPi oficiale ekzistas nun kvin oceanoj: la Arkta Oceano, Atlantiko, Pacifiko, la Hinda Oceano kaj la Suda Oceano ➞ maro, oceanografio.
2 la tuto de ĉiuj oceanoj rigardataj kiel unu: estas neeble, ke ili estu transirintaj trans la oceanon, kiu ĉirkaŭas la tutan teron! FK
3 (figurasence) vastega etendaĵo, kvazaŭ senlima amasego: sabla oceano dezerto B oceano de fajro kaj fumoj brulanta urbo LiZ
Oceano MITO la antikva greka dio de la maro, filo de Urano kaj la patro de ĉiuj riveroj. ➞ Tetiso 2.
oceana rilata al oceano: oceana fluo ➞ Golfofluo, Kuroŝio oceana veterŝipo oceana kurierŝipo oceana klimato
Antarkta Oceano GEOG Suda Oceano.
Arkta Oceano oceano GEOG norde de Nord-Ameriko, Eŭropo 1 kaj Azio, en kiu situas la Norda Poluso. ➞ Arkto.
Atlantika Oceano Atlantiko.
Monda Oceano oceano 2.
Pacifika Oceano Pacifiko.
Suda Oceano GEOG oceano ĉirkaŭanta Antarkton kaj situanta en la regiono kun pli ol 60-grada suda latitudo.
transoceana iranta trans oceanon: transoceana flugo