PIV 2026 · Artikolo 801
★anglo
★ anglo ano de Anglujo. ➞ brito, englo.
angla rilata al angloj, ilia lingvo (aŭ ĝiaj variantoj aliloke parolataj) aŭ Anglujo: la malnova angla lingvo ĝis ĉ. 1150 la meza angla ĝis ĉ. 1500 la frua angla stilo ➞ gotika la angla eklezio ➞ anglikana ➞ anglonormanda, anglosaksa, Anglalingvujo.
anglaĵo
1 specialaĵo aŭ moro tipe angla. ➞ anglomanio.
2 teksto en la angla lingvo.
angligi
1 traduki tekston en la anglan lingvon: ofte necesas improvize serĉi hazardan angligonton inter la parlamenteja dungitaro OE
2 doni al io anglan karakteron: tre angligita nobelaro en Skotlando GMc
anglismo LING apartaĵo de la angla lingvo.
anglisto specialisto pri la angla lingvo, aŭ fakulo de anglistiko, t.e. anglaj studoj aŭ angla filologio.
Anglujo, Anglio GEOG lando en Britujo, sude de Skotlando kaj oriente de Kimrujo: esperantistoj en Londono, esperantistoj en Anglujo, laboru kuraĝe kaj energie Z grava arta okazaĵo en Anglio estas la ĉiujara festivalo de literaturo en Cheltenham WSi
elangligi traduki tekston el la angla lingvo al alia lingvo: esperanta eldono elangligita de la aŭtoro mem KEn