PIV 2026 · Artikolo 14904

studi

Litero S

Derivaĵoj en la artikolo 13
  1. studo
  2. angl/a/j studo/j
  3. ĉin/a/j studo/j
  4. german/a/j studo/j
  5. hind/a/j studo/j
  6. japan/a/j studo/j
  7. latin2/id/a/j studo/j
  8. slav/a/j studo/j
  9. sud-azi/a/j studo/j
  10. studad/o
  11. studaĵ/o
  12. studej/o
  13. finstudi
studi tr
1 zorge kaj detale observi ion; peni metode esplori ion: studi la naturon studi la stelojn studi fenomenon studi mapon studi la ecojn de substanco studi la morojn de birdoj
2 diligente labori, precipe per vizitado de kursoj aŭ propra legado de libroj, por akiri iun branĉon de scienco: studi juron studi filozofion studi psikologion studi matematikon studi la Biblion studi Ŝekspiron studi Markson (analoge) studi rolon en teatraĵo, filmo
3 esti studento: li studas nun en Berlino ŝi studas sub profesoro K.
studo
1 studado: li taŭgas nek por studo, nek por ludo Z li volis enprofundigi sin en la studon de nove aperinta verko HLu
2 studaĵo: vidu pli detalajn studojn en Historio de la lingvo Esperanto EPr
anglaj studoj scienca studo de la anglaj lingvo, kulturo kaj historio. Sin. anglistiko. ➞ angla filologio.
ĉinaj studoj scienca studo de la ĉinaj lingvo, kulturo kaj historio. Sin. ĉinologio. ➞ ĉina filologio.
germanaj studoj scienca studo de la germanaj lingvo, kulturo kaj historio. Sin. germanistiko. ➞ germana filologio.
hindaj studoj sud-aziaj studoj.
japanaj studoj scienca studo de la japanaj lingvo, kulturo kaj historio. Sin. japanologio. ➞ japana filologio.
latin2idaj studoj scienca studo de la latinidaj lingvoj, kulturoj kaj historio. Sin. romanistiko. ➞ latinida filologio.
slavaj studoj scienca studo de la slavaj lingvoj, kulturoj kaj historio. Sin. slavistiko. ➞ slava filologio.
sud-aziaj studoj scienca studo de la sud-aziaj kulturoj, historio kaj lingvoj. Sin. hindaj studoj.
studado okupo de iu, kiu studas: ŝia situacio estas plej malfavora por studado Z oni parolas pri amata objekto de studado Z lia patro, kiu vivis nur en malriĉeco kaj religia studado Z studado de la fiziko
studaĵo verko, en kiu oni prezentas la rezultojn de studado: por la Klasika Epoko ni disponas pri enorma amaso da studaĵoj GBe li Zamenhof dediĉis sin al tiu ĉi lingvo la jida, verkante studaĵon pri ĝia gramatiko JŜe ➞ etudo.
studejo en domo aŭ fakultato loko aranĝita por ebligi al studentoj studi.
finstudi studi ion ĝisfine, ĝis ekzameno k.s.: tiujare mia frato Volodja finstudis la 10-an klason Ko Messner finstudis konstruinĝenieran fakon EGv