PIV 2026 · Artikolo 9866

manio

Litero M

Derivaĵoj en la artikolo 16
  1. mania
  2. maniul/o
  3. angl/omanio
  4. demon/omanio
  5. eter/omanio
  6. fajr/omanio
  7. fajr/omaniul/o
  8. heroinomanio
  9. kokainomanio
  10. libr/omanio
  11. morfinmanio
  12. nimf/omanio
  13. opi/omanio
  14. toks/omanio
  15. toks/omaniul/o
  16. vag1omanio
manio
1 fortega nenormala konstanta inklino al io: ĝi infektis vin per la manio fariĝi granda homo Z ➞ dipsomanio, kleptomanio, megalomanio, mitomanio, piromanio.
2 stranga aŭ ridinda kutimo. ➞ kaprico, rutino 1.
mania rilata al manio.
maniulo iu suferanta manion: la homojn, kiuj penadis pri la enkonduko de komuna lingvo, la samtempuloj montradis per la fingroj, kiel maniulojn Z Joĉjo estas maniulo pri spionromanoj CPi freneza maniulo! OE ➞ frenezulo.
anglomaniomanio 2 imiti anglajn morojn, enkonduki anglajn vortojn ktp.
demonomanio vario de frenezo, en kiu la maniulo imagas sin demonhavanto.
eteromanio manio 1 ebriiĝi per etero.
fajromanio manio 1 krei fajrojn.
fajromaniulo iu trafita de fajromanio.
heroinomanio MEDI toksomanio pri heroino.
kokainomanio MEDI toksomanio pri kokaino.
libromanio forta deziro kolekti kaj posedi librojn.
morfinmanio MEDI toksomanio pri morfino.
nimfomanioMEDI virina afrodizio. ➞ satiriazo.
opiomanio MEDI toksomanio pri opio.
toksomanio kutima kaj ekscesa uzado (per ingesto aŭ injekto) de toksoj, pli speciale de drogoj, kaj ĝenerale pro fizika dependeco, ekz. alkoholo, kokaino, morfino, nikotino aŭ opiaj alkaloidoj: toksomanio estas ofte malutila kaj estigas alkutimiĝon kaj psikan kaj/aŭ korpan dependecon
toksomaniulo MEDI iu trafita de toksomanio.
vag1omanio MEDI mania impulso vagadi.