PIV 2026 · Artikolo 16338

1★vagi

Litero V★ Fundamenta

Derivaĵoj en la artikolo 15
  1. vaga
  2. vago
  3. vagad/o
  4. vagad/i
  5. vagant/o
  6. vagist/o
  7. vagul/o
  8. ekvagi
  9. elvagi
  10. elvagig/i
  11. erarvagi
  12. erarvagig/i
  13. forvagi
  14. gapvagi
  15. travagi
1 ★ vagi ntr iri de unu loko en alian sen difinita celo: vi tro multe vagas Z dum li dormis, mi forŝteliĝis de li, por iri vagi Z ili vagis en la dezerto, laŭ vojo senviva MT sovaĝa azeno solece vaganta MT vaganta angilvendisto Z kelkaj nuboj vagis sur la ĉielo ĉirkaŭ sanktuloj diabloj vagas Z mi lasos igos fari mesojn, por venigi la vagantan spiriton en ĝian hejmon Z
(figurasence) lia terurita rigardo vagis sur la muroj B ŝia tuta animo vagis en tiuj lazuroj, en kiuj kvazaŭ dronis ŝiaj okuloj Z nur ĉe la buŝo vagis ia malĝojo B
➞ migri.
vaga tia, ke ĝi vagas: la granda celo de lia vaga vivo FK lia irado, kvankam indiferente vaga, enhavis tamen iom penplenan elegantecon Z MEDI vaga reno kiun trafas ptozo
vago, vagado ag(ad)o vagi: la homoj de l’ sudo, kiuj amas la liberan vagadon B penu elpensi ian rimedon, por prezenti en bela lumo vian vagadon Z tiu vagado baldaŭ lacigas kaj enuigas Z ➞ vagmanio.
vagadi daŭre vagi: kiam ili la antikvaj dioj ankoraŭ vagadis sur la tero en eterna juneco Z Dio ilin forpuŝos, kaj ili vagados inter la nacioj MT malbonega vetero, kaj ŝi vagadas ekstere apud la gimnazio kaj atendas Z
vaganto
1 BIBL nomado: loĝos apud ĝi la terkultivistoj terkulturistoj kaj la vagantoj kun paŝtataroj MT
2 HIST en la Mezepoko migra studento.
vagisto homo, kiu kutime vagadas pro senokupo aŭ senhejmeco: senloka vagisto Z ili bedaŭrinde akceptis en la familion kompletan vagiston Z Sin. vagulo. ➞ vagabondo.
vagulo vagisto: mi komprenas nur unu leĝon kaj juĝon: aŭ reĝo aŭ vagulo! B
ekvagi komenci vagi: ŝi forlasis la palacon kaj ekvagis malĝoje laŭlonge de la landvojo Z (figurasence) lia rigardo ekvagis malproksime B
elvagi vagi el io: en la mondon nun ambaŭ elvagis Z
elvagigi igi iun aŭ ion elvagi: Mi ne plu elvagigos la piedon de Izrael el la tero, kiun Mi donis al iliaj patroj MT
erarvagi ntr perdiĝi vagante: mi erarvagis kiel perdita ŝafo MT vi mem, ofte erarvaganta kaj sola, flugas tien kaj reen, nur legendo Z
erarvagigi igi iun aŭ ion erarvagi: li erarvagigas ilin en dezerto senvoja MT
forvagi foriri vagante: ĉiu forvagis MT kial, ho Eternulo, Vi permesis al ni forvagi de Viaj vojoj ? MT forvagas flanken ĉiam liaj pensoj
Al la gepatra domo Z
gapvagi ntr vagi gapante: Ludoviko gapvaganta sur la Bjalistoka vendoplaco LZZ ➞ bati ① 2.
travagi tr trairi lokon vagante: li travagis Germanujon kun nekovrita kapo Z