PIV 2026 · Artikolo 4131
★etero
★ etero
1 KOMU klara ĉielo; la libera spaco super la nuboj:la steloj eklumis el la klara etero Z la animo sin levas tra la etero supren, al la brilantaj steloj! Z
2 FIZI TELE laŭ arĥaika hipotezo pri ondopropago senpeza elasta substanco, pri kiu oni supozis, ke ĝi penetras la universon kaj funkcias kiel substrato por elektromagnetaj ondoj, lumo ktp.
3 KEMI ĉia kombinaĵo, en kiu atomo de oksigeno estas ligita kun du karbonatomoj, R-O-R (ekz. metiletiletero, CH3-O-C2H5); se ne estas speciala indiko, etero signifas la precipan reprezentanton de ĉi tiu klaso de substancoj, nome la dietileteron, konata anestezaĵo, C2H5-O-C2H5.
4 petrola etero. ➞ petrolo 1.
etera
1 malpeza, delikata aŭ iel supertera, kiel la plej alta ĉielo: etera poezio etera mieno eteraj amoj la granda kapitalo ne plu estas materia, sed etera kaj intelekta Ko
2 rilata al etero 3.
eterismo
1 nenormala stato estigita de la uzado de etero 3.
2 MEDI toksiĝo per etero, enspirita aŭ trinkita.
traetera troviĝanta en la etero 1.