PIV 2026 · Artikolo 13392
respubliko
Derivaĵoj en la artikolo 15
respubliko POLI
1 reĝimo, en kiu la suvereneco apartenas al pli aŭ malpli granda parto de la civitanaro, kaj en kiu la regnestra ofico ne estas hereda: oni distingas demokratiajn respublikojn, kiel en Ateno, kaj aristokratiajn respublikojn, kiel en Venecio parlamenta respubliko federacia respubliko ➞ monarĥio, tiranio.
2 kutime majuskle regno kun tia reĝimo: la Franca Respubliko la Federacia Respubliko Germanujo
Respubliko Kongo Kongo Brazavila.
respublika rilata al respubliko.
respublikano
1 ano de iu respubliko.
2 en Usono ano de la respublikana partio (defendanta precipe la interesojn de la grandkapitalistoj), kontraste al la demokrata.
respublikestro prezidanto de respubliko. Sin. prezidanto 3.
respublikismo ideologio de respubliko; doktrino, kiu deklaras, ke respubliko estas la plej bona politika sistemo.
respublikisto partiano de la respublika reĝimo: unuiĝo de la respublikistoj kontraŭ la imperiestro
bananrespubliko (malŝate) lando, kiu estas politike tre malstabila.
Centrafrika Respubliko GEOG Centr-Afriko.
Ĉeĥa Respubliko Ĉeĥujo.
Demokratia Respubliko Kongo Kongo Kinŝasa.
Dominik2a Respubliko GEOG lando sur la orienta parto de Hispaniolo. ĉefurbo: Sandomingo Sin. Domingo.
Germana Demokratia Respubliko HIST ŝtato ekzistinta de 1949 ĝis 1990 en la orienta parto de la nuna Germanujo. Deutsche Demokratische Republik mallongigo: GDR
Roma Respubliko HIST respubliko, kies ĉefurbo estis Romo, 509 a.K.E. – 27 a.K.E. Res publica Romana ➞ Roma Regno, Roma Reĝlando, Roma Imperio, Romio.
Vajmara Respubliko HIST la germana respubliko 1919–1933, organizita laŭ konstitucio voĉdonita en la urbo Vajmaro. Deutsches Reich