PIV 2026 · Artikolo 13393
★resti
Derivaĵoj en la artikolo 15
★ resti ntr
1 esti daŭre kaj senŝanĝe en la sama loko: laŭdu la maron, sed restu sur tero Z mi restos hodiaŭ dome FE mi restas tie ĉi laŭ la ordono de mia estro FE restu en la amaso! Z ŝanceliĝante, ĉu li devas resti aŭ iri post la kuzino Z (analoge) la princo restis sur la batalkampo mortinta
2 esti daŭre kaj senŝanĝe en la sama pozicio: dum kelke da sekundoj ŝiaj palpebroj restis mallevitaj Z li alpremis sian vizaĝon al la muro, kaj en tiu situacio li restis, tremante Z la tuta grupo restas kvazaŭ ŝtonigita Z la ceteraj gastoj restas simple kiel kolonoj Z li restis genue
3 kun aŭ ĉe esti daŭre kaj senŝanĝe en la sama okupo aŭ kompanio: restu tajloro ĉe via laboro Z resti kun leono estas danĝere FE agrabla estas gasto, se ne longe li restas Z se geedzoj sin batas, fremdulo restu flanke Z ordoni al ili resti sur la posteno B ĉi tio restu inter ni! ĝi ne diskoniĝu (figurasence) ni tamen restos ĉe nia propra opinio Z
4 esti daŭre kaj senŝanĝe en la sama stato: ŝi iris tre singarde, por ke ŝiaj piedoj restu puraj Z la tamburisto restis netuŝita, kaj li kantis plue Z ŝi restis nun sola Z rilate sian instruistinon ŝi restis ĉiam ĝentila Z tiu ĉi grava tago restos por mi ĉiam memorinda FE tiel estas, tiel restas Z ĉio restos kiel antaŭe Z lernado sen fruktoj ne restas Z la unutaga regado de tiu ĉi estro ne restis sen postsignoj Z falsa atestanto ne restos sen puno MT en la fino de 1889 ni restis sen kopeko! Z
5 ankoraŭ plue esti post la malapero de unu aŭ pluraj aliaj partoj: por malfrua gasto restas nur osto Z restis nenio absolute, nek por mordi, nek por gluti Z eĉ signo ne restis, kie urbo estis Z dekoj da spesmiloj, kiuj restis de la vendo de la meblaĵoj Z oni permesis, ke la arbo kun la nesto de la nigra cikonio restu Z restos nur fumo, vaporo, haladzo kaj cindro! Z
(figurasence) vundo pasas, vorto restas Z restas nur du semajnoj ĝis la kongreso
speciale, pri heredaĵo post la patro restis al ni nur malgranda dometo Z ora braceleto, restinta post mia patrino Z
➞ postresti.6 ankoraŭ plue esti, post kiam aliaj agoj estis faritaj: ĉe la rigardo, kiom fari restas Z restas nur al mi morti Z al la plejmulto restas nenio alia por fari ol migri Z al la registaroj restus nur doni sian sankcion al fakto jam plenumiĝinta Z restas al ni respondi ankoraŭ unu lastan demandon Z al vi restas jam nur simpla ellernado de vortoj Z
resta tia, ke ĝi restas: la resta sumo post la pagado de la ŝuldoj KEMI resta likvo post kiam la ĉefa konsistaĵo estis forigita per kristaligo ➞ cetera.
resto io, kio restas aŭ resti 6: pri kesto unu parto de ĝia enhavo kuŝis elmetita sur la tablo, dum la resto iradis tra Z ŝi apartigis sian fratinon de la resto de la societo Z Esperanto baldaŭ forglutis la pli grandan parton de la mono de mia edzino; la tutan reston ni baldaŭ formanĝis Z li volas aĉeti por ĉiam mian tutan reston de libereco! Z MATE resto de divido divido de entjero per alia entjero➞ cetero.
restadi longe resti en iu loko, ĉe iu gasto k.s.: la tutan someron li restadis en Venecio
restado estado en iu loko: ŝi pripensis, kiom kostos al ŝi la nokta restado Z post trimonata restado en la kvartalo B
restaĵo io konkreta, kio restas: la malabundaj restaĵoj de la iama tegmento estis kovritaj de musko Z restaĵoj de vespermanĝo restaĵo de forbrulinta kandelo vendu la oleon kaj pagu vian ŝuldon, kaj vi vivos per la restaĵo MT aŭskultu Min, domo de Jakob kaj la tuta restaĵo de la domo de Izrael MT ĉia intergenta malamo estas nur restaĵo el la tempoj barbaraj Z la restaĵoj kadavro de l’ faraono atendis la lastajn ceremoniojn B KEMI restaĵo de karburado cindro estas restaĵo de lignobrulado ➞ reziduo.
restejo, restadejo
2 KRIS loĝejo de la ordenoj, fonditaj en la 16a jc: restadejo de jezuitoj
restigi
1 lasi iun aŭ ion resti ie: eniru al la kromvirinoj de via patro, kiujn li restigis, por gardi la domon MT ŝi tre deziris restigi ĉe si la malgrandan Gerdan Z se ŝi taŭgos , ili ŝin restigos ĉe si Z
2 lasi iun aŭ ion resti ia: du partojn el la Moabidoj li mezuris por mortigi, kaj unu por restigi vivaj MT
3 lasi ion aparteni al iu: nur prunti, sed ne restigi al si! Z libroj estis ĉio, kion lia patro restigis al li Z la domon ŝi restigis al ni kiel heredaĵon Z
4 lasi ion stari; ne forigi ion; konservi ion: la venonta tago bruligos ilin tiel, ke ĝi ne restigos al ili radikon nek branĉon MT la akridoj formanĝos ĉion, kion restigis la hajlo MT se la aŭtoro antaŭ la presado sendus al mi la manuskripton, mi tiun ĉi regulon ne restigus Z se Vi deziras restigi al la Oficejo ĝian privatan karakteron Z
brulrestaĵo substanco, kiu restas post brulo: ŝi disŝovis la brulrestaĵon el la kahela forno SEn ➞ cindro.
fandorestaĵosubstanco, kiu restas solida post la fandiĝo de minaĵo.
postresti
1 resti, post kiam la cetero malaperis: kelkaj malnovaj madrigaloj Postrestis sur paperoj flavaj KKa al la bakistoj postrestis granda stoko da kukoj CRo
2 iri aŭ evolui malpli rapide ol aliaj; resti post 2 ili: la viro ekmarŝis pli rapide, kaj ni stumbletis pro la peno ne postresti ALö la materiaj rilatoj treege progresis, dum la spiritaj multe postrestis ĝuste pro manko de komuna lingvo ILa
postrestaĵo parto, kiu postrestas: la postrestaĵo de la rikolto
postrestanto iu, kiu postrestas: la postrestantoj de retiriĝinta armeo
poŝtrestantesurskribo sur letero, por ke ĝi estu liverata al la adresato nur en la poŝtoficejo.
sanktrestaĵo RELI relikvo 1.