PIV 2026 · Artikolo 12619

★post

Litero P★ Fundamenta

Derivaĵoj en la artikolo 15
  1. post kiam
  2. posta
  3. poste
  4. poste/a
  5. poste/n
  6. posto
  7. post/
  8. postaĵ/o
  9. poste/n/iĝ/i
  10. poste/ul/o
  11. poste/ul/ar/o
  12. postiĝ/i
  13. postum/o
  14. depost
  15. de post
★ post prepozicio
1 en tempo malpli frua ol iu aŭ io alia: saĝa hundo post la vundo Z post vetero malbela lumas suno plej hela Z ĝi estas kiel mustardo post la manĝo post tri tagoj mi lin vizitos ni ankoraŭ ne resaniĝis post niaj antaŭaj venkoj B tuj post la hejto la forno estis varmega FE se ni iam post prepozicio uzas la akuzativon FE vidvino post homo, kiun mi konis sed kiu nun mortis Z heredi post la onklo iom post iom FA paŝo post paŝo Z la venena maldolĉeco, kiu de tiel longe guto post guto kolektiĝadis en la brusto de Marta Z post nelonge ➞ de post.
2 malantaŭ: la princo sidiĝis post kolono B ŝi kaŝis sin post kelkaj altaj ŝtonoj Z tre mallaŭte li stariĝis post la kurteno Z la vinon li post mia dorso tiel rapide englutis Z ŝi malaperis post la pordego Z la lun’ post la insulo malleviĝas Z vi flugu ĉiam post ni Z eliri post iu MT rigardi post sin ➞ posten B el post la arbo li estas bravulo Z turnu vin post ilin MT
1 Por eviti konfuzon inter loka kaj tempa sencoj de post, oni uzas la rimedojn montritajn sub antaŭ.
3 kun rango pli malalta ol alia: en via regno li estas la unua post vi
post kiam subjunkcio post la tempo, kiam: post kiam ŝi estis mallongan tempon en la arbaro, fariĝis nokto Z lian edzinon vi prenis , post kiam vi lin mortigis MT Adam vivis, post kiam naskiĝis al li Set, okcent jarojn MT ➞ antaŭ ol.
2 La teorie eblaj variantoj post ol kaj post ke apenaŭ estas uzataj en la praktiko. Oni restu ĉe la tradicia esprimo post kiam.
posta
1 pli malfrua: la postan paroladon mi ne aŭdis
2 malantaŭa: la posta parto de ŝipo Sin. malantaŭa.
poste
1 pli malfrue: antaŭe kion vi devas, poste kion vi volas Z leĝo valoras por poste, sed ne por antaŭe Z ŝi komencis de la ĝusta poŝo, poste fosis en la malĝusta kaj fine revenis al la ĝusta Z la fluto kaj harpo finludis strofon, poste tenora voĉo ekkantis B oni ekaŭdis ĝemeton, poste ekpaŝon B pripensante la aferon poste, mi opiniis, ke tamen li pravas ALö ➞ estonta, futuro.
2 malantaŭe: antaŭe iris kantistoj, poste kordinstrumentistoj MT antaŭe la grandaj, poste la malgrandaj Z Patroklo atakas la Libianojn de poste B
postea nur pri tempo = (prefere) posta: la posteaj registaraj persekutoj G
posten celante plue al pli posta loko: la princo rimarkis, ke la polva nebulo fleksiĝas posten B la barbaroj eĉ ne ekrigardis posten B li etendis la manojn post la kapo, sin klinis posten B
posto spaco aŭ tempo post io: Mentezufis okupis iliajn postojn! B rigardi al la posto
postaĵo
1 malantaŭa parto; parto kontraŭa al la fronto: postaĵo de domo postaĵo de ŝipo postaĵo de veturilo ➞ pobo.
2 ĉe homo la du gluteoj: lia prefera sinteno por ripozi estas: postaĵo ĉe planko, genuoj ĉe mentono LBa piedbato sur la postaĵon Sin. pugo. ➞ gropo.
posteniĝi (evitinde) = retropaŝi: Samentu posteniĝis kelke da paŝoj B ➞ posten·iĝ·i.
posteulo iu, kiu venas poste en tempo: la posteuloj benos nian memoron Z ĉiu generacio laboras por siaj posteuloj ➞ ido 2.
posteularo tuto de la posteuloj: la posteularo de Abrahamo
postiĝi resti malfruiĝante post marŝanta aro: la persekutantaj rajdistoj batfaligis la postiĝantojn B
postumo kulaso.
depost = (prefere) de post: depost tempo nememorebla Z ĉi tie ŝi estis depost la plej frua matena horo Z pia estis la vivmaniero de la rabeno depost lia reveno Z
de post de la fino de:multe ŝanĝiĝis de post tiu tempo, kiam ni kiel infanoj ludis unu kun la alia Z multe oni afliktis min de post mia juneco MT tiel estis de eterne,
de post la apero de homo sur la tero MT
➞ ekde.