★paŝ/i

1 Meto de unu piedo antaŭ la alia en la irado: kvazaŭ spiono el infero akompanus ĉiun mian paŝon ^Z; ŝi havis vizaĝon viglan, paŝon facilan ^Z; siajn paŝojn ĝi direktis inter pavojn ^K; ili iris per firmaj paŝoj al sia domo ^Z; ŝi malrapidigis siajn paŝojn ^Z; la cikonioj englutadis ĉe ĉiu tria paŝo unu ranon ^Z; (f) ni paŝo post paŝo […] atingos la celon ^Z. ➞ paŝoŝanĝi, paŝ(o)teni, spuro.

2 Spaco trapasita per unu paŝo: la ĉambro estis 5 paŝojn longa ^B; ili troviĝis en malproksimeco de apenaŭ kelke da paŝoj de la ŝtuparo ^Z; inter mi k la morto estas nur unu paŝo ^Z; de majesta ĝis ridinda estas nur unu paŝo ^Z; inter voli k fari estas grandega paŝo ^Z; kiel ni efektive vidas sur ĉiu paŝo ^Z (ĉie).

3 (f) Ago, per kiu oni progresas en entrepreno: li havas nenian ideon pri la malfacileco de sia entrepreno k baldaŭ retiros sin post la unuaj paŝoj ^Z; la entrepreno estos neebla, se ĉiuj preparaj paŝoj ne estos frutempe finitaj ^Z; ni ne devus fari tiun ĉi paŝon nepreparite ^Z; retenadi la Ligon de ĉia facilanima paŝo ^Z; fari falsan (misan) paŝon ^Z.

4 Ⓣ Distanco inter du homologaj punktoj de la kanelo de ŝraŭbo, mezurata paralele al la akso: helico kun variigebla paŝo; (analoge) paŝo de dentrado (distanco inter la pintoj de du dentoj); kanela paŝo; polusa paŝo (angula aŭ periferia distanco inter du sinsekvaj neŭtralaj linioj de elektra maŝino).

1 Paŝi, proksimiĝante al iu, io: fine ŝi levis la kapon k alpaŝis al la mastrino de la loĝejo ^Z; S. (senbrue alpaŝante) ^Z.

2 (f) Komenci trakti ion, klopodi pri io: alpaŝi al alia demando, al la elekto ^Z, al la realigado de la projekto ^Z.

1 Eliri el la vico, antaŭeniri: kvar volontuloj elpaŝis.

2 Iniciati iun interrompantan diron aŭ faron: kiam la avino rakontis historiojn, li ĉiam elpaŝadis kun ia «sed» ^Z.

3 Publike iniciati aŭ deklari: malkuraĝe elpaŝi ^Z; Z. devis promesi al sia patro, ke li almenaŭ ne elpaŝos publike kun sia laboro, antaŭ ol li finos la studadon en la universitato; li sciigis min, ke, se mi ne elpaŝos kun radikalaj reformoj, li ĉesos eldonadi la gazeton ^Z; la deputito elpaŝis kontraŭ militismo; la pastroj elpaŝis kontraŭ la dancoj; tiu panegiro ne estas deklamado nek polemika elpaŝo; ĉu efektive ekzistis homoj, kiuj elpaŝadis kontraŭ la pioniroj de tiu ideo kun tiaj sensencaj kontraŭparoloj? ^Z. ☞ eliri.

1 Iri pli malproksime, ol linio, limo ks: pli malgaje ol tiam, kiam la juna virino la unuan fojon transpaŝis ĝian sojlon ^Z; Li donis sian leĝon al la maro, por ke la akvoj ne transpaŝu siajn bordojn ^X; ne transpaŝebla baro.

2 (f) Ne respekti, ne observi ian limigon, malpermeson ks: transpaŝi la moderecon; tiuj provoj ankoraŭ ne transpaŝis la komencan stadion; la ambicio, kiu igas la virinojn transpaŝi la limojn destinitajn al ili de la naturo ^Z.