PIV 2026 · Artikolo 15948
treti
Derivaĵoj en la artikolo 5
treti tr forte premi ion per la piedoj: treti vinberojn en tinego ŝi puŝis la knabon je la flanko, tretis lin per la piedoj Z Mi tretis ilin la popolojn en Mia kolero MT treti en vinpremejoj MT tenu vin ĉiam proksime de mi, por ke neniu tretu sur vin Z ➞ tretmuelilo; piedpremi, surpaŝi.
treto, tretado ago treti.
akvotreti ntr iu en akvo vigle movi la piedojn, kvazaŭ tretante, por flosi.
akvotretado ago akvotreti: kiam li volis iom ripozi, li faris akvotretadon Z
surtreti pezi sur io tretante: ŝi dolorige surtretis la piedojn de la virino Z Sin. trampli.