PIV 2026 · Artikolo 9964

★marŝi

Litero M★ Fundamenta

Derivaĵoj en la artikolo 7
  1. marŝo
  2. marŝad/i
  3. marŝad/o
  4. ekmarŝi
  5. elmarŝi
  6. enmarŝi
  7. pretermarŝi
★ marŝi ntr
1 iri per egalaj paŝoj, kiel soldatoj, sportistoj, solenantoj k.s.: unue marŝis la luktistoj, poste la diskoĵetantoj kvar bestoj marŝas bele MT takte marŝi ➞ defili, paradi.
2 paŝadi iom longan vojon por promeno aŭ alicele: sur la trotuaro marŝis paro da homoj: virino kaj viro Z ili marŝis per paŝoj facilaj kaj rapidaj Z sekvu min pluen sur la vojo, sur kiu marŝas la malgaja figuro de malriĉa virino Z
marŝo
1 egalpaŝa regula aŭ solena irado: tiel la reĝo iris en parada marŝo Z la tamburo kadencis la marŝon de la trupoj «Marŝ’!» «Halt’!» «Front’!» militistaj komandoj Z
2 iom longa irado: tio estis tre peniga marŝo en la sablo
3 muzikaĵo, kiu akompanas kaj reguligas la paŝadon: funebra marŝo Z tiu himno finiĝos kiel brua, vigliga, flamiga kaj esperiga marŝo Z
4 SPOR sporta konkurso, en kiu atletoj rapidas sed ne levas ambaŭ piedojn de la tero samtempe.
marŝadi longe marŝi, precipe por korpa ekzerco.
marŝado longa daŭra marŝo: duono de la kortego partoprenis en la marŝado Z la Longa Marŝado de pli ol dek mil km, farita de la Ĉina Laborista-Kamparana Ruĝa Armeo en 1934–36
ekmarŝi komenci marŝi: la egipta armeo ekmarŝis al la dezerto B ili ekmarŝis en procesio per malgrandaj anaroj Z post kvin minutoj ni ekmarŝos al la stacidomo RSc
elmarŝi ntr plej ofte multaj homoj eliri: ili ĉiuj elmarŝis al la arbaro Z ni elmarŝis en la nokto, ĉirkaŭ mil personoj Z
enmarŝi tr aŭ ntr invadi: la germanoj enmarŝis en Aŭstrujon, ne renkontante reziston la generalo enmarŝis la ĉefurbon SSz li enmarŝis per grandaj paŝoj kaj eĉ ne salutante transiris rekte al la kabano ALö
pretermarŝi tr aŭ ntr marŝi preterirante: (figurasence) ĉio, kion la arbo vidis ĉirkaŭ si, pretermarŝis nun antaŭ ĝi kiel en festa procesio Z mi ofte vidis virinojn el la vilaĝo, kiuj pretermarŝis nian heĝon ALö