PIV 2026 · Artikolo 14690

spuro

Litero S

Derivaĵoj en la artikolo 12
  1. spuri
  2. spurar/o
  3. spuril/o
  4. elspurad/o
  5. fingr/ospuro
  6. odorspuro
  7. piedspuro
  8. ekologi/a piedspuro
  9. karbon/a piedspuro
  10. respuri
  11. respurad/o
  12. senspure
spuro
1 postlasita enpremo, marko aŭ signo, laŭ kiu eblas ekscii, kiu aŭ kio pasis, kion iu faris aŭ kio okazis: sekvi cervon aŭ lupon per spuro varma spuro antaŭ nelonge farita esti sur la spuro de iu (proprasence kaj figurasence) sendi iun sur ies spuroj la cervo kovris siajn spurojn, tranaĝante la lageton la detektivo trovis netan spuron pri la vizito de du virinoj en la ĉambroj Sin. paŝosigno, sekvosigno. ➞ spurhundo, spursento, indico.
2 (evitinde) = ŝpuro.
3 MATE sumo de ĉiuj diagonalaj elementoj de matrico 5.
4 MATE bildaro 2 de kurbo.
spuri tr
1 serĉi, rimarki kaj sekvi spurojn de io.
2 KOMP sekvi la plenumadon de komputila programo paŝon post paŝo por trovi misfunkcion. ➞ spurilo.
spuraro serio de la spuroj de unu besto.
spurilo KOMP programo por spuri 2. Sin. erarserĉilo.
elspurado MEDI elserĉado de la kazoj de neaperantaj malsanoj: elspurado de aidoso per la salivo elspurado de la infanaĝaj hiperlipidemioj
fingrospuro spuro postlasita de fingro sur iom glata surfaco: la armilo tute ne surhavas fingrospurojn CPi ➞ fingropremaĵo.
odorspuro odora spuro 1.
piedspuro spuro 1 postlasita de piedo de homo aŭ besto: la piedspuro sur la luno de Neil Armstrong plu troviĝas ekzakte en la loko, kie li lasis ĝin (figurasence) en la piedspuro de Zamenhof ➞ piedsigno.
ekologia piedspuro EKOL efiko de la homa agado sur la ekologio: la ekologia piedspuro estas la produktiva areo, kiun homo bezonas por produkti la varojn, kiujn li konsumas RRo
karbona piedspuro EKOL kvanto de karbona dioksido liberigita en la aeron pro ies energibezono: mia ĉi-jara tiel nomata karbona piedspuro estos hontinde granda PGu
respuri spuri ion denove: respuri sian vojon respuri siajn paŝojn (figurasence) li respuras tiun revon kaj proponas al ni kajeron de 482 proverboj CMi
respurado KOMP metodo serĉi, laŭ kiu oni elektas valorojn por kompletigi solvon ĝis ne plu eblas daŭrigi, kaj tiam reiras al la punkto de la lasta elekto (respurante sian vojon) kaj provas novan elekton. ➞ nedeterminisma, elĉerpa serĉo.
senspure ne lasinte spurojn: li senspure kaj definitive malaperis CPi