PIV 2026 · Artikolo 15204

★ŝraŭbo

Litero Ŝ★ Fundamenta

Derivaĵoj en la artikolo 25
  1. ŝraŭba
  2. ŝraŭbi
  3. ŝraŭbad/o
  4. ŝraŭbaĵ/i
  5. ŝraŭbaĵ/o
  6. ŝraŭbaĵ/il/o
  7. in/a ŝraŭbaĵ/il/o
  8. ŝraŭbig/il/o
  9. ŝraŭbil/o
  10. elektr1/a ŝraŭbil/o
  11. ŝraŭbin/o
  12. ŝraŭbing/o
  13. ŝraŭbin/ig/i
  14. ŝraŭbin/ig/il/o
  15. al/etŝraŭbing/o
  16. alŝraŭbi
  17. arĥimed/a ŝraŭbo
  18. blok/ant/a ŝraŭbo
  19. bor1ŝraŭbo
  20. ĝust/ig/a ŝraŭbo
  21. kontraŭŝraŭbing/o
  22. malŝraŭbi
  23. sen/fin/a ŝraŭbo
  24. streĉ/oŝraŭbo
  25. transŝraŭbi
★ ŝraŭbo TEKN cilindra aŭ konusforma peco el metalo, ligno aŭ malmola plasto, provizita per helica kanelo: ŝraŭbo estas difinita per ĝia celo: por ligno aŭ metalo, por reguligi, alĝustigi, kunpremi, fiksfermi k.a.; per la formo de ĝia kapo: mergebla, duonronda, ronda, unu-entranĉa, kruc-entranĉa, kvadrata, senkapa k.a.; kaj per ĝiaj longo kaj diametro ŝraŭbo estas ĉefe uzata por kunfiksado de du partoj en malmuntebla maniero (figurasence) streĉi ankoraŭ pli la impostan ŝraŭbon ➞ bolto, kanelo, paŝo, helico.
ŝraŭba
1 provizita aŭ fiksita per ŝraŭbo(j).
2 prezentanta formon de ŝraŭbo. ➞ spirala, helica.
ŝraŭbi tr
1 turni ŝraŭbon: ĝisbloke ŝraŭbi ŝraŭbon
2 fiksi ion per ŝraŭbo(j) aŭ turnante ĝin kiel ŝraŭbon: ŝraŭbi ĉarnirojn sur pordon ŝraŭbi ĉapon sur botelon
ŝraŭbado ago ŝraŭbi.
ŝraŭbaĵi provizi stangon aŭ truon per ŝraŭbaĵo.
ŝraŭbaĵo ŝraŭbkanelo.
ŝraŭbaĵilo ilo por provizi stangon aŭ truon per ŝraŭbaĵo. Sin. kanelilo.
ina ŝraŭbaĵilo ŝraŭbinigilo.
ŝraŭbigilo vira ŝraŭbkanelilo.
ŝraŭbilo ilo por turni ŝraŭbon, konsistanta el forta tenilo kaj tigo, kies pinto estas adaptita al la kapo de la ŝraŭbo: larĝa ŝraŭbilo mallarĝa ŝraŭbilo dika ŝraŭbilo maldika ŝraŭbilo krucforma ŝraŭbilo sesangula ŝraŭbilo
elektr1a ŝraŭbilo ŝraŭbilo, kies tenilo enhavas baterion kaj elektran motoron, kiu movas interŝanĝeblan pinton.
ŝraŭbino iom profunda truo en plato aŭ en metala peco, provizita per helica kanelo kaj akceptonta ŝraŭbon.
ŝraŭbingo helice interne kanelita ringo, en kiun oni turnante enigas ŝraŭbon. ➞ aletŝraŭbingo.
ŝraŭbinigi fari helica(j)n kanelo(j)n ĉe truo.
ŝraŭbinigilo ilo por fari helican kanelon ĉe truo. Sin. ina ŝraŭbaĵilo.
aletŝraŭbingo ŝraŭbingo havanta du aletojn, kio ebligas turni ĝin per la fingroj sen helpo de ilo.
alŝraŭbi alfiksi ion al io alia per ŝraŭboj aŭ turnante ĝin kiel ŝraŭbon.
arĥimeda ŝraŭbo speco de levmaŝino por akvo, en formo de klinita cilindro, kies interno estas provizita per helicaj parietoj.
blokanta ŝraŭbo ĉia ŝraŭbo por bloki moveblan parton de aparato, stativo k.a.
bor1ŝraŭbo ŝraŭbo, kies pinto estas borilo kaj povas eniĝi en metalon sen antaŭa borado.
ĝustiga ŝraŭbo ĉia ŝraŭbo por alĝustigi parton de aparato, optika, elektra k.c.
kontraŭŝraŭbingo ŝraŭbingo turnita super alia ŝraŭbingo por malhelpi, ke la alia malŝraŭbiĝu.
malŝraŭbi turni inverse ŝraŭbon, por ke ĝi eliĝu el sia truo aŭ ŝraŭbingo.
senfina ŝraŭbo tia ŝraŭbo, en kiu endentiĝas rado, uzata por transmisii movon.
streĉoŝraŭbo simpla aparato entenanta fortan ŝraŭbon, kiu ebligas reguligi la streĉoforton de dratoj aŭ ŝtalaj ŝnuregoj.
transŝraŭbi ŝraŭbi ion trans la blokadpunkton, tiel ke oni fuŝas la ŝraŭbkanelojn kaj la ŝraŭbo ne plu efikas.