PIV 2026 · Artikolo 7284

kanelo

Litero K

Derivaĵoj en la artikolo 7
  1. kaneli
  2. kanelil/o
  3. in/a kanelil/o
  4. mikrokanelo
  5. ŝraŭb/inkanelo
  6. ŝraŭbkanelo
  7. ŝraŭbkanelil/o
kanelo
1 ARKI longa rekta ornama sulko.
2 TEKN helica sulketo tajlita ĉe cilindro aŭ konuso, ekstere aŭ interne.
3 MUZI sur la surfaco de gramofona disko spirale strekita sulketo, kiu gvidas kaj vibrigas la nadlon aŭ safiron adaptitan al la diafragmo.
kaneli tr
1 ARKI ornami per paralelaj kaneloj: kanelitaj kolonoj Z
2 TEKN provizi stangon aŭ truon per helica kanelo: ARME kanelita pafiltubo interne kanelita por rotaciigi la pafaĵon kaj sekve stabiligi ties trajektorion ➞ ŝraŭbaĵi.
3 MUZI provizi per spirala kanelo diskon: fajne kanelita disko por longedaŭra registrado
kanelilo TEKN ŝraŭbaĵilo.
ina kanelilo ŝraŭbinigilo.
mikrokanelo MUZI treege fajna kanelo 3 en gramofonaj diskoj.
ŝraŭbinkanelo helica kanelo de ŝraŭbingo, ŝraŭbino, juntmuflo k.s.
ŝraŭbkanelo TEKN helica kanelo de ŝraŭbo, ŝtudo k.s. Sin. ŝraŭbaĵo. ➞ ŝraŭbopaŝo.
ŝraŭbkanelilo ilo por fari ŝraŭbkanelon, aŭ viran (Sin. ŝraŭbigilo) aŭ inan (Sin. ŝraŭbinigilo).