PIV 2026 · Artikolo 14989

★sulko

Litero S★ Fundamenta

Derivaĵoj en la artikolo 10
  1. sulki
  2. sulket/o
  3. sulkig/i
  4. sulkiĝ/i
  5. laŭsulko
  6. laŭ/vojsulko
  7. malsulkiĝ/i
  8. radsulko
  9. tersulko
  10. vojsulko
★ sulko
1 longforma rekta foso farita en la teron: la plugilo tranĉas sulkojn Z «ni fosu nian sulkon!» esperantista devizo la gnomoj rigardis de altaĵoj kaj el sulkoj Z la sulkoj de la vojo estis jam plenaj de akvo kaj koto
(analoge) ĝi la vento plugas sur ĝi la rivero grandajn sulkojn kaj plenigas per ŝaŭmo B ni rigardis melankolie la sulkon de nia ŝipo
2 profunda nekonstanta falto: maljunulaj sulkoj FK
3 ANAT profunda fendo, trovebla en iuj organoj. sulcus cerbaj sulkoj
sulki tr sulkigi: li sulkis la frunton Z
sulketo malgranda sulko, precipe (figurasence) en la haŭto: kovrita de multo da sulketoj, kun haroj preskaŭ tute blankaj Z en la okulanguloj li rimarkis hodiaŭ sulketojn LiZ ➞ falto 1.
sulkigi plenigi ion per sulkoj: la kronprinco sulkigis la brovojn kaj komencis malpacience paŝi sur la estrado B ĉiuj aspektis tre kontentaj , krom la bubo , kiu malkontente sulkigis la frunton HLu Dume Vinicius sulkigis siajn kunkreskantajn brovojn LiZ Bobrov sulkigis sian vizaĝon en malŝatan, aŭ, eble, ironian grimacon VVa li sulkigis eĉ pli la frunton CPi
sulkiĝi pleniĝi per sulkoj: lia malalta frunto tamen tre videble sulkiĝis Z ĉu vi iam demandis vin mem, pro kiu kialo la fingroj faltiĝas (alivorte sulkiĝas, kuntiriĝas) post longa restado en akvo? RPi
laŭsulko, laŭvojsulko vojsulko proksimume paralela al la vojdirekto.
malsulkiĝi perdi sulkojn: subite la frunto de la markizo malsulkiĝis HVa
radsulko sulko farita en vojo per radoj de veturiloj. Sin. radkavo. ➞ vojsulko.
tersulko sulko en tero: la malgranda birdo elflugis sur la landvojon kaj serĉis kaj trovis tie aŭ alie en la glitveturilaj tersulkoj ian grajneton Z
vojsulko sulko en vojo, diversa laŭ deveno (ekz. radoj, akvovojo) kaj direkto (kompare al tiu de la vojo): laŭaj vojsulkoj laŭsulkoj traaj vojsulkoj
(figurasence) la plejmulto treniĝas en la vojsulkoj de malnovaj kutimoj la vojsulko de la rutino
➞ radsulko, vojtruo, azendorso.