★sulfur/o

PIV · 14988

sulfur/o

1 Elemento, S, atomnumero 16, atommaso 32,07.

2 Nemetalo solida, helflava, senodora, facile fandebla k brulema, kiun oni trovas en la vulkanaj elsputaĵoj aŭ ekstraktas el ercoj aŭ naturgasoj: ortoromba, monoklina sulfuro; fleksebla aŭ mola sulfuro; stanga sulfuro (en formo de stangeto), pulvora sulfuro.

3 Simbolo de la flama kolero de Dio: la lumo de la malpiulo estingiĝos, sur lian loĝejon ŝutiĝos sulfuro ; la Eternulo pluvigis sur Sodomon k Gomoran sulfuron ; fajro nutrata per sulfuro de l’ infero ; () li odoras sulfuron (estas diableca).

sulfura. Rilata al sulfuro:

1 sulfuraj kombinaĵoj; sulfura fetoro (pro iuj kombinaĵoj, H₂S ). sulfo.

2 la diablo […] estis ĵetita en la lagon fajran k sulfuran ; reiri devos mi al la sulfuraj turmentaj flamoj .

sulfuri () Pritrakti per sulfuro: sulfuri vinberujon (per sulfura pulvoro); sulfuri lanojn (per sulfuraj gasoj); sulfuri barelon (per bruligo de sulfuraj meĉoj).

sulfurado. Tia pritrakto.

sulfurejo. Loko, kie oni kolektas aŭ ekstraktas sulfuron.

sulfurilo

1 La radiko ≻SO₂ en neorganikaj substancnomoj: sulfurila klorido, SO₂Cl₂. sulfonilo.

2 Aparato por sulfuri.

sulfurdioksido SO₂, senkolora k sufoka gaso, uzata kiel senkolorigilo k seninfektigilo. sulfitanhidrido.

sulfurtrioksido SO₃, sulfat-anhidrido.