PIV 2026 · Artikolo 9978

★maso

Litero M★ Fundamenta

Derivaĵoj en la artikolo 12
  1. masa
  2. maset/o
  3. aermaso
  4. almasig/i
  5. atommaso
  6. gismaso
  7. kontraŭmaso
  8. krit/a maso
  9. molekulmaso
  10. sapr/omaso
  11. specif/a maso
  12. unumase
★ maso
1 nedifinita kvanto de materio, kiun oni rigardas kiel tutaĵon, ne atentante pri la konsistigantaj eroj, nek pri la formo: maso da gelateno la malluma maso de la maro la altaj rokaj masoj de la bordo ŝajnis kapoj de gigantoj Z arĥitekturaj masoj skulpti el la maso ➞ amaso, bloko, masivo.
2 BELA ĉiu el la partoj de pentraĵo, formanta unu tutaĵon por la okulo aŭ pro la aranĝo de la linioj aŭ pro la intenso de la koloroj: la ekvilibro de la masoj
3 FIZI kvociento de la intenso de konstanta forto per la akcelo de la movo, kiun ĝi estigas ĉe la konsiderata korpo. simbolo: m la maso mezuras la kvanton de materio, kiun entenas korpo ➞ inercio, pezo; mascentro, masmanko; biomaso.
4 ELEK en elektra cirkvito komuna konduktilo, kies potencialo estas rigardata kiel referenco: la maso estas ofte konektita kun la tero ➞ tero 5, ĉasio.
5 EKON JURO tuto de la posedaĵoj prenataj en konsideron en la kadro de diversaj proceduroj, precipe en la kadro de bankroto aŭ heredigo.
masa rilata al maso: masa volumeno
maseto malgranda maso, i.a. tiu peco de meĥanika sistemo, kiu agas per sia inercio.
aermaso METE vasta kvanto da atmosfera aero, sufiĉe homogena kaj samdevena, kiu moviĝas laŭ unu direkto: polusmara aermaso tropikkontinenta aermaso la renkonto de du aermasoj formas fronton
almasigi ELEK kontaktigi kun la maso 4.
atommaso FIZI KEMI kvociento inter la maso de atomo de ĥemia elemento kaj la dekduono de la maso de atomo de karbono 12. ➞ atomnumero.
gismaso TEKN regulforma maso el kruda giso.
kontraŭmaso TEKN maso, kies pezo kompensas parte ian forton (ekz. de risorto).
krita maso FIZI pri iu substanco povanta allasi nuklean fision minimuma maso necesa, por ke estiĝu kaj daŭru ĉenreakcio.
molekulmaso KEMI maso de unu molo 2 da pura substanco, t.e. la sumo de la atommasoj de ĉiuj atomoj en molekulo de tiu substanco.
sapromaso EKOL la tuta maso 3 de la mortinta organika materio de ekosistemo.
specifa maso FIZI maso de la volumena unuo de homogena substanco.
unumase kiel unu bloko: ĉio , mebloj kaj homoj, unumase elfalegis en la malfermitan profundegaĵon HVa