PIV 2026 · Artikolo 6477

★in

Litero I★ Fundamenta

Derivaĵoj en la artikolo 6
  1. ina
  2. ino
  3. inec/o
  4. inism/a
  5. inism/o
  6. inist/o
★ in sufikso
1 la naskipova sekso. ➞ bovino, kokino, katino, hundino, kamelino, ŝafino; avino, filino, fratino, kuzino, onklino, patrino, princino, reĝino; homino, infanino; amatino, belulino, karulino, kuracistino, instruistino; Paŭlino, Johanino.
1 Kiam la radiko mem esprimas inon, oni ne uzas la sufikson in: amazono 1, matrono, muzo 1, Anno 2, Elizabeto k.a.)
2 Oni renkontas en poezio formojn resumajn, en kiuj in ligiĝas senpere al eca radiko, ekz. belino (= belulino) kaj virgino (= virgulino). Sed tia uzo estas tolerebla nur, se la radiko estas tradicie ligita kun la ideo de persono.
➞ nj-; iĉ-, ip- 2.
2 (figurasence) io konvencie aŭ simbole asociita kun ineco. ➞ ŝraŭbino, jambino.
ina KOMU rilata al ino; inseksa: la ina sekso HBu ina voĉo JMe la aliaj ridus pri li, se li havus inan nomon JMe ŝi estas tamen la dua ina ĉefministro en Nov-Zelando DRo ➞ ina cezuro, ina rimo.
ino individuo de la naskipova sekso: virbestoj kaj iliaj inoj MT «ĉiuj estas pretaj!» «ankaŭ la inoj kaj infanoj!» Z la virleono montris inklinon batali kaj defendi sian inon HLu telefonis iu ino al vi SŠt tiuj ĉi inoj nun loĝas en subhomaj kondiĉoj GRa ➞ femalo, masklo.
ineco aparteneco al la naskipova sekso: ŝi gajnas plian konscion pri sia ineco Ko oni el la ineco de la virinoj kaj la rilato inter viroj kaj virinoj faras tutmondan temon por amuzoj SEn
inisma rilata al inismo: inisma pra-aktivulo en Irlando JAl la inisma movado en Nederlando vokis ĉiujn virinojn en la lando striki je la 30a de marto JJu
inismo feminismo: ĉu pri inismo, ekologio ktp la informoj ne venis unue ĝuste el tiu lando? RCo
inisto feministo: en tiu klasikaĵo de tutmonde konata usona inisto, ni legas PDa