PIV 2026 · Artikolo 14544

★sopiri

Litero S★ Fundamenta

Derivaĵoj en la artikolo 6
  1. sopira
  2. sopiro
  3. sopirad/o
  4. amsopiri
  5. hejmsopiro
  6. postsopiro
★ sopiri tr
1 senti bedaŭron pro io aŭ iu perdita kaj fortan deziron retrovi la perditaĵon: sopiri al la trankvilo B li sopiris dormon LiZ mi sopiras... al la lando de mia infaneco Z rano eĉ en palaco sopiras pri marĉo Z mi sopiras je mia perdita feliĉo (aŭ: mian perditan feliĉon) FE ni nun nur sopiras
Ripozon sub ia tegmento Z
ni iris senhalte, ĉar ni sopiris al homaj vizaĝoj B sudlandano ne povas tiel sopiri la lumon kaj printempon kiel nordano FSz
kun infinitivo kiel ŝi sopiris ekvidi lin! Z la soldato terure sopiris vidi denove la belan reĝidinon Z la lando , kien ili sopiras per sia animo reveni MT
2 malĝoji pro la manko de io, kion oni deziregas akiri: kiel cervo sopiras al fluanta akvo,
Tiel mia animo sopiras al Vi, ho Dio MT
li sopiris jam senmezure pri la morgaŭa tago Z sopirante pri pli altaj spiritaj plezuroj Z miaj okuloj sopiras Vian helpon MT ŝi sopiros la tempon, kiam ŝi povos reveni Z anstataŭ sopiri la neatingeblan, ni kreu por ni atingeblaĵojn Ko multaj homoj sopiras je flugiloj kaj tute forgesas, ke piedojn ili ja havas ➞ aspiri.
sopira plena de sopiro: sopiraj versoj sopiraj ĝemoj sopire rigardi B
sopiro, sopirado sento de iu, kiu sopiras: tiam kaptis min tiu sopiro, kiun sentis niaj prapatroj, kiam ili rememoris la viandpotojn de Egiptujo Z la sopiro al la patrujo konsumis min B tiu amo, kiu en la kalikoj de la kreskaĵoj vekas la sopiron turni sin al la lumo de la suno Z ĝi sentis sopiron, ke ĉiuj aliaj arboj povu leviĝi kune kun ĝi Z legendoj, kiuj estas kvazaŭ sopiroj de l’ homaro B ĝia neesprimeble feliĉiga sopirado atingi ĉiam pli altajn celojn Z ➞ nostalgio, strebo.
amsopiri sopiri amrilaton.
hejmsopiro deprimo kaŭzita de foresto el la hejmo: mi trovis, ke mi havas certajn sentojn por la hejma regiono, foje preskaŭ sentis hejmsopiron SEn pluraj kantoj en ĉi albumo estis influitaj de nia hejmsopiro Ko ➞ nostalgio.
postsopiro bedaŭro.