PIV 2026 · Artikolo 14543

★sonori

Litero S★ Fundamenta

Derivaĵoj en la artikolo 15
  1. sonora
  2. sonoro
  3. sonorad/o
  4. sonorig/i
  5. sonoril/o
  6. sonoril/ar/o
  7. sonoril/et/o
  8. sonoril/ist/o
  9. alarm/osonoril/o
  10. eksonori
  11. elsonori
  12. mort/osonorad/o
  13. nokt/osonoril/o
  14. pord/osonoril/o
  15. tumult/osonorad/o
★ sonori
1 ntr aĵo estigi sonon, kiu daŭre sonas post la ĉeso de ĝia kaŭzo: sonoras kristalaj glasoj sonoras bronza disko frapita de martelo la vitraj kaj arĝentaj ornamoj sonoras sur la brusto de l’ virinoj B super ĝi ĉevalo sonoras la sagujo MT
(vastasence) aŭdu, sonoras por vi l’ anĝelus’! en la marmoraj palacoj sonoras luksaj festenoj B oni havis la impreson, kvazaŭ la tuta arbaro sonoras Z
➞ tinti, vibri, resoni.
2 tr ilo indiki per sonorado: la preĝejaj sonoriloj sonoris la komencon de la Kristnaska festo Z kiam la sonorilo sonoras la liberecon Z (figurasence) tiu malnova sonorilo sonoris kaj kantis al ŝi en la koron konsolon kaj ĝojon Z
3 tr iu = (prefere) sonorigi: per sonorilo ni sonoras FE
sonora
1 tia, ke ĝi sonoras: ĉie oni povis aŭdi la sonorajn kuirilojn sonora voĉo de kantoro (figurasence) ĝin la entreprenon ankaŭ sonoraj monaj kaŭzoj antaŭ ĉio pereigis Z
2 LING konsonanto produktata per libera aerfluo, kiel en Esperanto la sono de la literoj m, n, r, l kaj h.
sonoro tono regule vibranta, kun facile diferencigebla alto: sonoro de gongo piano kun bona sonoro (figurasence) Tutmonda Sonoro poemaro KKa
sonorado longa aŭ ripeta sonoro: (proprasence kaj figurasence) sonorado al li venas, sed de kie — li ne komprenas Z oni aŭdis sonoradon de sonoriloj Z funebra sonorado FK
sonorigi frapi aŭ tuŝi sonoran korpon, ke ĝi eligu tonojn por voki aŭ veki: la preĝeja servisto eniris por sonorigi al la vespera preĝo Z bonvolu sonorigi al la servantino sonorigi por biero sonorigi ĉe ies pordo
sonorilo
1 bronza kava konuso, larĝiĝanta ĉe la rando, kun svingebla frapilo por sonorigi: ĉiuj preĝejaj sonoriloj feste sonoris Z sonoriloj ne sonoris super via tombo Z sonorilo vokas al preĝejo kaj mem neniam eniras Z ĉirkaŭe sonas ĉiuj preĝejaj sonoriloj Z kiel krevinta sonorilo KKa ➞ sonorilturo, lango 4.
2 analoga sonorilo por sonorigi: elektra sonorilo
sonorilaro MUZI instrumento konsistanta el serio de sonoriloj. ➞ kariljono.
sonorileto malgranda sonorilo el metalo k.s., ordinare tenebla enmane: la promorta sonorileto Z estis tiel, kvazaŭ miloj da vitraj sonoriletoj ektintis Z
sonorilisto iu, kiu profesie sonorigas la preĝejajn sonorilojn.
alarmosonorilosonorilo, eventuale aŭtomata, kiu avertas pri danĝero.
eksonori ntr komenci sonori: eksonoris la gongo (figurasence) Mi faros tian faron, ke al ĉiu, kiu tion aŭdos, eksonoros ambaŭ liaj oreloj MT
elsonori tr diskonigi ion per sonoro: ĉiun vorton kaj ĉiun ĝemon la preĝeja sonorilo komprenas kaj elsonoras tion antaŭ la tuta mondo Z
mortosonoradosonorado laŭ malrapida ritmo, per kiu oni anoncas pri ies morto.
noktosonorilo sonorilo ĉe la pordo de kuracisto, farmaciisto aŭ pastro, por voki dum la nokto.
pordosonorilo sonorilo ĉe la pordo de domo, por peti eniron.
tumultosonorado sonorado laŭ densa ritmo, por anonci militon, alvoki al ribelo ktp.