PIV 2026 · Artikolo 16591

vibri

Litero V

Derivaĵoj en la artikolo 6
  1. vibra
  2. vibro
  3. vibrad/o
  4. vibrig/i
  5. vibril/o
  6. travibri
vibri ntr
1 esti agitata de interna movo, pro kiu molekuloj de korpo iras kaj reiras trans fiksita punkto, kaj kiu komunikiĝas al la medio: vibras kristala glaso vibras sonorilo vibras tamtamo (figurasence) ĉiuj vibras ekscitiĝas pro ĝojo ➞ tinti.
2 formoviĝi el sia ekvilibra pozicio kaj tien reveni per alterna regula movo: vibras kordoj vibras vergeto vibras molekuloj ➞ balanciĝi, pendoli.
3 sonori laŭ alternaj laŭtiĝoj kaj mallaŭtiĝoj: iafoje ekvibris en la aero malklaraj sonoj de flutoj B li diris per flama, vibranta voĉo liaj paŝoj vibris tra la silento
(figurasence) entuziasmo vibras tra la tuta parolado mil ĝojaj sentoj vibras tra l’ koroj
vibra
1 prezentanta vibrojn: vibra movado
2 LING parolsono tia, ke ĉe ĝia prononco elasta parolorgano (ekz. la langopinto aŭ la uvulo) vibras ĉe alia organo: vibra ro
vibro ĉiu el la alternaj movoj de vibranta korpo: la vibroj de sonorilo la vibroj de kordo la vibroj de lameno staranta kaj iranta vibro ➞ vibroenergio, vibrodaŭro.
vibrado serio de vibroj de vibranta objekto aŭ organo: la vibrado de la frapita kordo malproksime oni aŭdis la vibradon de lia voĉo
vibrigi igi ion vibri: vibrigi glason (figurasence) vibrigi la internajn kordojn de la koro
vibrilo FIZI aparato produktanta akustikajn aŭ elektrajn vibrojn. ➞ oscililo.
travibri vibri tra iu aŭ io: travibris lin forta sento de kunligo kun la hejma loko SEn la solenaj, majestaj vortoj de konata germana ĥoralo travibris la silentan nokton HLu