PIV 2026 · Artikolo 9527
★loĝi
Derivaĵoj en la artikolo 35
- /loĝa
- loĝo
- loĝad/o
- loĝad/ej/o
- loĝant/o
- loĝant/ar/o
- loĝat/o
- loĝebl/a
- loĝej/o
- loĝig/i
- loĝig/ist/o
- akv/oloĝa
- amasloĝej/o
- arb/oloĝa
- ekloĝi
- enloĝig/i
- enloĝiĝ/i
- grund/oloĝa
- kavern/oloĝa
- kunloĝi
- kunloĝad/o
- kunloĝant/o
- lign/oloĝa
- lunloĝant/o
- pasloĝi
- pasloĝant/o
- praloĝant/o
- priloĝi
- rok1loĝa
- somerloĝej/o
- subloĝat/a
- ŝelloĝa
- transloĝiĝ/i
- transloĝiĝ/o
- troloĝat/a
★ loĝi
1 ntr daŭre restadi en loko, kie oni kutime vivas: loĝi en Parizo Z loĝi en la tria etaĝo Z mi loĝas en unu el la plej malriĉaj stratoj de Varsovio Z li loĝas ekster la urbo FE loĝi en la fino de la mondo Z loĝi sur angulo de tegmento MT mi ne loĝas ĉe mia frato Z loĝi inter saĝuloj MT ŝiaj piedoj ne loĝas en ŝia domo ŝi emas promeni aŭ vojaĝi MT
(figurasence) amo kaj puno loĝas komune Z mi, saĝo, loĝas kun la prudento MT en mia koro loĝas pli da suferado pro vi, ol Z
➞ rezidi.2 tr daŭre okupi lokon: lia naskiĝurbo estis loĝata de kvar nacioj kun malsamaj lingvoj ILa formikejoj, el kiuj ĉiu estis loĝata de centoj da estaĵetoj Z dense loĝata insulo PGu Sin. priloĝi.
loĝa sufikso EKOL loĝanta en la koncerna speco de loko. ➞ akvoloĝa, arboloĝa, grundoloĝa, lignoloĝa, rokloĝa, ŝelloĝa.
loĝo, loĝado ago loĝi: ricevi ĉe iu loĝon kaj nutron
loĝadejo domicilo.
loĝanto persono, kiu loĝas ie: tiu ĉi urbo havas milionon da loĝantoj FE la loĝantoj de unu urbo FE ekploregos ĉiuj loĝantoj de la lando MT
loĝantaro tuto de la loĝantoj, ekz. de urbo, lando k.c.: landoj kun diverslingva loĝantaro Z
loĝebla tia, ke oni povas tie loĝi: ili venis en landon loĝeblan MT loĝebla domo MT
loĝejo
1 loko, kie oni loĝas: loĝejo de birdoj loĝejo de formikoj (figurasence) en la domo de mia patro ekzistas multe da loĝejoj Z ➞ loĝloko.
2 aro de ĉambroj, prezentanta unu tuton kaj loĝata de unu familio: mia loĝejo — mia reĝejo Z se silentas draŝejo, malpacas loĝejo Z apud mia loĝejo estas lueblaj tri ĉambroj Z ➞ domo, hejmo, apartamento; loĝejmastrino.
loĝigi havigi loĝejon al iu: loĝigi amikon ĉe si loĝigi laboristojn en barako
loĝigisto iu, kiu profesie loĝigas: bojkoti loĝigistojn, kiuj elektas siajn klientojn laŭ rasaj kriterioj
akvoloĝa EKOL loĝanta en akvo.
amasloĝejo loko, kie oni disponigas al turistoj, studentoj k.c. litojn en komuna ĉambro por malalta prezo. ➞ dormejo.
arboloĝa EKOL loĝanta en arbo.
ekloĝi ntr komenci loĝi ie: ili trovis valon en la lando Ŝinar kaj tie ekloĝis MT ŝi ekloĝis en la alta mansardo Z
enloĝigi loĝigi iun en loĝejon.
enloĝiĝi sin loki en loĝejon: li enloĝiĝis en la hotelo Z ni devas enloĝiĝi en ia hotelo Z
grundoloĝa EKOL loĝanta en la grundo: grundoloĝa likeno
kavernoloĝa EKOL besto vivanta en kaverno, i.a. reproduktiĝanta tie.
kunloĝi ntr loĝi kun iu(j) alia(j): mi deziris almenaŭ kunloĝi kun iu ajn, nur por ke iu estu apud mi SSz li estas for. Ni ne plu kunloĝas. Niaj novaj adresoj estas SŠt ni ĉiuj kunloĝas sur unu limhava planedo MFe
kunloĝado
1 ago kunloĝi: eĉ post multjara kunloĝado kun Sekundo, Areskuza havis ankoraŭ nur unu infanon ALö
2 ESPO kunveno de esperantistoj loĝantaj kune surloke: la 33a tutlanda kunloĝado de japanaj e-istoj OE en Shenyang okazis la unua Esperantista kunloĝado de Nordorienta Ĉinio OE ili do decidis ke la kunloĝado daŭre okazos en aliaj urboj de Ĉinio RE!
kunloĝanto iu, kiu kunloĝas: por via dungito kaj por via kunloĝanto, kiuj loĝas ĉe vi MT
lignoloĝa EKOL loĝanta en ligno.
lunloĝanto iu, kiu loĝas sur luno: la lingvo de la lunloĝantoj Z
pasloĝi ntr loĝi kiel gasto, ne konstante: foriris viro el Bet-Leĥem en Judujo, por pasloĝi en la lando de Moab MT ➞ migri.
pasloĝanto iu, kiu pasloĝas: fremdulo kaj pasloĝanto mi estas ĉe vi MT
praloĝanto
1 antikva loĝanto de iu lando: kiuj estis la praloĝantoj de la norda groto? HLa
Sin. aborigeno, aŭtoktono.priloĝi tr loĝi 2: Jerusalem estis priloĝata kaj bonstata MT
rok1loĝa EKOL loĝanta sur roko ① 2: plej multaj saksifragoj estas rokloĝaj
somerloĝejo loĝejo uzata nur dum somero: la cikonioj havis somerloĝejon sur unu traba domo en Jutlando Z
subloĝata nesufiĉe dense loĝata.
ŝelloĝa EKOL loĝanta en ŝelo: ŝelloĝa likeno
transloĝiĝi ŝanĝi sian loĝejon kaj okupi alian: li devis transloĝiĝi tre alten, en malgrandan frontonan ĉambreton tute sub la tegmento Z ➞ translokiĝi.
transloĝiĝo ago transloĝiĝi: en ĉiu transloĝiĝo estas parto de ruiniĝo Z
troloĝata tro dense loĝata: troloĝata regiono (analoge) troloĝata lernejo troloĝata trajno