PIV 2026 · Artikolo 3346
★domo
Derivaĵoj en la artikolo 34
★ domo
1 konstruaĵo kun tegmento kaj muroj, precipe por homa loĝado, sed ankaŭ por laborado, stokado aŭ alia celo: urba domo kampara domo biena domo ĝemela domo du unufamiliaj loĝejoj havantaj unu komunan muron antaŭfabrikita domo konstrui domon ornami domon purigi domon sur la neĝo mem estis aranĝitaj abelujformaj domoj Z la domo apartenas al li FE malnova domo kaduka domo armea raketo erare trafis naŭetaĝan domon AKl la domo de Dio preĝejo Z la Blanka Domo de la prezidanto de Usono ➞ apartamento, bangalo, barako, ĉambro, kabano, kajuto, kiosko, palaco.
2 domo 1 rigardata kiel vivejo de familio: brava homo en sia domo Z esti anĝelo inter homoj, sed satano en la domo Z tolaĵon malpuran lavu en la domo Z aliaj domoj, aliaj homoj Z kun sia tuta domo kaj havo Z patra domo Z en domo kaj milit’ la viro regas Z iru, kaj revenu ĉiu el vi al la domo de sia patrino MT
3 familianaro aŭ gento ① 2: edzoligiĝi kun domo de nobelo mi kaj mia domo servos al la Eternulo MT la milito estis longedaŭra inter la domo de Saul kaj la domo de David MT
4 en astrologio ĉiu el la dek du sektoroj de la zodiako, kies pozicioj dependas de la horo kaj loko, por kiuj ĉielmapo estas kalkulata.
doma rilata al domo: doma muro doma vivo Z domaj ŝuoj domaj bestoj
dome en la propra domo: mi restos hodiaŭ dome FE
domen al la propra domo; en la propran domon: jam estas tempo iri domen FE tiu ĉi malfeliĉa infano devis alporti domen plenan grandan kruĉon FE ➞ hejme.
domaĉo mizera domo: kiel longe ankoraŭ tiu malnova domaĉo staros ĉi tie ĉe la strato kiel spektaklo por ĉiuj? Z
domano loĝanto de domo. ➞ domhavanto.
domanaro ĉiuj, kiuj loĝas en la sama domo: la domanaro de reĝo la tuta domanaro havis tre multe da laborado Z ŝia tuta domanaro estas vestita per ruĝa teksaĵo MT
domego granda domo, ofte konsistanta el pluraj loĝejoj aŭ oficejoj: ŝi rajdis en mallarĝan strateton kun altaj domegoj SPo tumulta urbega kvartalo, inter magazenoj, fabrikoj kaj laboristaj domegoj SJo tiuj bankoj ne intencas malkonstrui siajn proprajn domojn kaj domegojn FGR en grandioza domego plena je luksaj mebloj kaj ornamaĵoj, li regis kiel princo ALö
dometo malgranda domo: kampara dometo Z hejma dometo estas kiel patrineto Z (figurasence) amuzante infanojn, mi faris dometojn el kartoj Z ➞ daĉo.
aldomigi adapti bestan aŭ kreskaĵan specion per selekta bredado aŭ kultivado al uzo kaj bezonoj de homoj, ŝanĝante ĝin en dombeston aŭ kulturkreskaĵon: la homo aldomigis lupojn, kiuj tiel fariĝis hundoj tritiko estas grava aldomigita kreskaĵo ➞ malsovaĝigi.
anguldomo domo staranta ĉe stratangulo.
eldomigi forigi el domo: leĝe eldomigi iun
endoma troviĝanta aŭ okazanta en domo: post plibonigo de la endomaj instalaĵoj vivi ĉi tie estas tre oportune Ko endoma naĝejo LWR endoma diservo GBe homoj, kiuj alkutimiĝis nur al la endomaj temperaturoj, strebas eviti la eksterdomajn RPy (figurasence) endomaj zorgoj ne koncernas lin RSc ➞ eksterdoma, subĉiela.
endome en (la) domo: li eniris. Endome estis neniu CPi ni ekstaris kaj reportis vazaron de la ĝardeno endomen SŠt
ferdekdomo dometo sur (aŭ parte en) ŝipa ferdeko, uzata kiel stirejo aŭ/kaj kiel loĝejo.
ĝardendometo malgranda domo por ripozo meze de granda ĝardeno.
kartodomo
1 LUDO ludo, en kiu oni provas starigi kiom eble plej da kartoj unujn sur la aliajn.
2 (figurasence) malsekura projekto.
komercodomo KOME domo difinita por komerco. ➞ firmao.
korekta domo establo, kie oni provas korekti kaj plibonigi la konduton de krimuloj aŭ junaj deliktuloj. Sin. korektejo, reformejo.
kromdomo ĉiu el la diversaj malĉefaj konstruoj, kiuj ordinare troviĝas apud kampara domo. ➞ korto.
lu1domo domo, kies ĉambrojn aŭ apartamentojn oni ludonas.
operdomo operejo.
pundoma rilata al pundomo: aŭ ministran postenon, aŭ pundoman katenon Z
pundomo domo, kie kondamnitoj estas tenataj: la firma tero estas ĉirkaŭata per netransgrimpebla muro, pundomo por tiuj interne HGK
ripozdomo domo, kie gastoj ĝuas ripozon.
ruldomo veturilo, interne aranĝita kiel dometo, kie oni povas loĝi dum vojaĝo: feriantoj vojaĝas per ruldomo al kampadejo ruldomo tirata de ĉevalino OE Sin. domveturilo, loĝveturilo.
samdomano iu, kiu dividas domon kun aliaj.
somerdomo domo en la kamparo aŭ ĉe la maro, kie oni loĝas por ripozo, dum ferioj k.s. ➞ vilao.
staciodomodomo, en kiu pasaĝeroj atendas forveturon aŭ alveturon de trafikilo, aĉetas biletojn, deponas pakaĵon ktp: fervoja stacidomo RRo ➞ stacio.
terdometo kabano, kies muroj estas faritaj el grasa tero kaj pajlo: li do daŭrigis la vojon kaj pasigis la nokton en terdometo B
urbodomo granda domo, kie oficas urbestro, magistrato kaj urba administracio: la mikskolora blazono sur la malnova urbodomo lumis Z ➞ magistratejo.