PIV 2026 · Artikolo 14564

★sovaĝa

Litero S★ Fundamenta

Derivaĵoj en la artikolo 7
  1. sovaĝi
  2. sovaĝ-
  3. sovaĝec/o
  4. sovaĝej/o
  5. sovaĝul/o
  6. malsovaĝa
  7. malsovaĝig/i
★ sovaĝa
1 en tia stato, kia ĝi estas en la naturo:
a besto ne alkutimiĝinta al la apudeco de homoj; ne aldomigita: ĉi tie la sovaĝaj ĉevaloj galopas tra la vastaj stepoj Z renkontiĝos tie sovaĝaj katoj kun sovaĝaj hundoj MT «Pereis!» kantis la sovaĝaj cignoj, kiuj flugis trans la maro orienten Z la falado de la akvo tra la kluzoj kaj la kriado de la sovaĝaj anasoj tiam estis la solaj signoj de vivo en la silenta naturo Z
b planto ne kultivata: sovaĝa greno MT sovaĝa vinberujo B sovaĝa cikorio sovaĝa rozo la sovaĝa mento bonodoris Z
c loko nekulturata; senhoma: sovaĝa dezerto sovaĝa monto sovaĝa marbordo parko returniĝinta al la sovaĝa stato
ĉ BIOL geno aŭ alelo ne mutaciinta pro eksperimentoj.
2 restinta en primitiva stato de civilizo kaj vivanta ĉefe el fruktokolekto, ĉasado aŭ fiŝado: sovaĝaj triboj de Sud-Ameriko
3 (figurasence) senbride kruela; malmodera: sovaĝa persekuto sovaĝa venĝo sovaĝaj batoj sovaĝa buĉado Z sovaĝa kritikado sovaĝe detrui ĉiujn restaĵojn de civilizo
4 (figurasence) akre kruda; fortege malagrabla: li eligadis sovaĝajn kriojn Z france saĝa, angle sovaĝa Z kio hieraŭ ŝajnis sovaĝa, tio morgaŭ aperas kiel io tute natura kaj bela Z la ĉevalo pli sovaĝe ekkuris Z Volapük sonas tre sovaĝe kaj maldelikate Z
sovaĝi ntr agi aŭ efiki sovaĝe: hitlerismo sovaĝis tra la tuta Eŭropo la elementoj ekstere sovaĝas Z ➞ furiozi, elĉeniĝi.
sovaĝ- prefikso bestospecio aldomigita. ➞ sovaĝbesto, sovaĝkanario, sovaĝazeno.
1 Oni ankaŭ povas samsence uzi duvortajn esprimojn kun la adjektivo sovaĝa: sovaĝa besto, sovaĝa azeno ktp, sed tio estas malpli klara, ĉar la adjektivo povas ankaŭ esprimi, ke unuopa besto de sovaĝa (nealdomigita) specio ne alkutimiĝis al la apudeco de homoj, aŭ ke unuopa besto de aldomigita specio estas sovaĝiĝinta.
sovaĝeco eco de iu aŭ io sovaĝa: provi mildigi la sovaĝecon de la grundo nenio povis egali la sovaĝecon de tiuj fanatikuloj la sovaĝeco, kiun oni vidis ĉe ĝi la infano, plaĉis al li Z
sovaĝejo nekulturata aŭ necivilizita regiono. ➞ naturparko.
sovaĝulo
1 ano de pracivilizacia tribo. ➞ primitivulo, kavernohomo.
2 (figurasence) kruela kruda homo: homoj kun hakiloj kaj feraj stangoj sin ĵetis kontraŭ trankvilaj loĝantoj, kies tuta kulpo konsistis nur en tio, ke ili parolis alian lingvon , ol tiuj ĉi sovaĝuloj Z
3 (malŝate) nekonformisto.
malsovaĝa besto alkutimiĝinta al la apudeco de homoj: kiel malsovaĝa birdo ŝi nun sidis, klininte la kapon Z ➞ dresi, aldomigi.
malsovaĝigi igi iun aŭ ion malsovaĝa: malsovaĝigi gazelon
2 Ne konfuzu malsovaĝigi kun aldomigi. Oni malsovaĝigas individuan beston, ŝanĝante ties konduton, sed ne ties naturon. Oni aldomigas tutan specion, ŝanĝante per bredado ties naturon, kaj la ŝanĝoj herediĝas al la idoj.