PIV 2026 · Artikolo 3345

★dolori

Litero D★ Fundamenta

Derivaĵoj en la artikolo 21
  1. dolora
  2. doloro
  3. doloreg/a
  4. doloreg/o
  5. doloret/o
  6. dolorig/e
  7. dolorig/i
  8. gorĝ/odoloro
  9. gorĝdoloro
  10. kap1doloro
  11. koks/odoloro
  12. koldoloro
  13. kor1odoloro
  14. liendoloro
  15. nerv/odoloro
  16. ost/odoloro
  17. pik1doloro
  18. sendolora
  19. sendolorig/a
  20. ŝirdoloro
  21. ventr/odoloro
★ dolori tr
1 io kaŭzi al iu tre malagrablan korpan senton: Petron kruro doloras, Karolo ne lamas Z mia internaĵo min doloras MT dum frosta vetero min doloras mia reŭmatismo ili batis min, sed ĝi min ne doloris MT min doloras ĉi tie, panjo! Z ne rigardu min tiel rigide ĉar la okuloj vin ekdolorus! Z tia operacio tre doloras kulo nenion valoras, sed ĝia piko doloras Z vergo doloras, sed saĝon ellaboras Z doloris miaj ostoj post la longa vojaĝo B
2 io kaŭzi al iu tre malagrablan psikan impreson: doloras lin la malfavoro B forte min doloras la nepovado helpi vin Z la sciigo estas nefavora... tio min doloras, tre doloras Z ankaŭ dum ridado povas dolori la koro MT ➞ aflikti, ĉagreni, suferigi, turmenti.
dolora
1 esprimanta doloron aŭ estigita de doloro: dolora krio dolore ekkrii Z ➞ dolorplena.
2 kaŭzanta doloron: dolora vundo dolora dento tre dolora estas por ĝojanto
Refalo tro subita en malĝojon Z
amo pli kora, disiĝo pli dolora Z vi ne puŝu tiel dolore Z
doloro
1 tre malagrabla korpa impreso: brula doloro Z mordanta doloro Z la anasido pensis, ke ili volas fari al ĝi ian doloron Z en doloro vi naskados infanojn MT senti en la brusto akran doloron ne helpas ploro al doloro Z ➞ dolorpunkto.
2 tre malagrabla psika aŭ emocia impreso: havi doloron en la animo B malgrandaj infanoj kaŭzas laboron, grandaj — doloron Z mi rigardadis kun doloro la reciprokan fremdecon, kiu dividas inter si la naturajn filojn de sama lando Z ➞ sufero.
dolorega esprimanta aŭ kaŭzanta severan doloron: dolorege plori Z ŝi luktis por superi la doloregan kramfon en sia brusto ALö
dolorego grava aŭ severa doloro: ĉio alia paliĝis kompare kun tiu dolorego, kiu disradiis tra ĉiu parto de mia korpo ALö
doloreto negrava aŭ ne profunda doloro.
dolorige tiel, ke doloras: dolorige surtreti la piedojn de iu Z la knaboj kaptis la birdon kaj dolorige premis ĝin en la manoj Z Mi dolorige vin frapos MT ➞ kruela.
dolorigi iu aŭ io fari, ke ies organo aŭ membro sentu doloron: mi dolorigis al mi la piedon jen estas ĉiuj koloroj, kiuj dolorigas la okulojn Z espero prokrastata dolorigas la koron MT
gorĝodoloro, gorĝdoloro doloro de la gorĝo.
kap1doloro doloro en la kapo 1. ➞ encefalalgio, migreno.
koksodoloro doloro de la kokso. Sin. koksalgio.
koldoloro doloro de la kolo.
kor1odoloro doloro 2: sur ŝia vizaĝo estis la esprimo de kordoloro kaj sopiro, sed timo kaj senespereco sur ĝi ne estis Z ŝi esprimis samtempe akran kordoloron, aman riproĉon kaj kompaton HLu ➞ korpremo.
liendoloro MEDI doloro en la lieno. Sin. flankopiko.
nervodoloro MEDI neŭralgio.
ostodoloro MEDI doloro en osto. Sin. ostalgio.
pik1doloro MEDI akra doloro en la flanko post tro energia ekzerciĝo.
sendolora
1 sentiganta nenian doloron: morto sendolora PSV senzorge, sendolore
Belan horon festu ni! Z
2 (malofte) sentanta nenian doloron.
sendoloriga foriganta doloron: sendoloriga injekto EGv ➞ analgezio, sedativa.
ŝirdoloro doloro karakterizata per sento de ŝirado: li komencis ankaŭ plendi pro vundoj kaj ŝirdoloro en la piedoj LiZ
ventrodoloro doloro de la ventro: infanoj plendas kelkfoje pri ventrodoloro post manĝado de pomkerno RPi