PIV 2026 · Artikolo 188
aflikti
Derivaĵoj en la artikolo 3
aflikti tr kaŭzi severan kordoloron al iu: ŝia konkurantino afliktis ŝin kaj tre incitis ŝin MT mi scias, ke mia malĝojo vin sincere afliktas Z mia patrino estis tre afliktita, ke la variolo min tiel terure malbeligis Z revivigi la koron de afliktitoj MT ➞ ĉagreni, deprimi, korpremi.
aflikto sento de iu afliktita: sur la vizaĝo aperis miro, aflikto kaj konfuzo Z ĉe ĝia de la rozo odorado de la rozo oni forgesis ĉiujn siajn zorgojn kaj afliktojn Z Via mano estus kun mi kaj forigus la malbonon, por ke mi ne havu aflikton! MT
afliktiĝi iĝi afliktita: kial tiel afliktiĝas via koro? MT kiu afliktiĝos pri vi? MT ➞ malĝoji, zorgi.
afliktiĝo stato de iu afliktita: ŝia patro perdis sian oficon, kaj de afliktiĝo li malsaniĝis Z ni ne konsumu niajn korojn per vanaj afliktiĝoj Z ➞ melankolio.