PIV 2026 · Artikolo 16849

★zorgi

Litero Z★ Fundamenta

Derivaĵoj en la artikolo 18
  1. zorga
  2. zorgo
  3. zorgad/o
  4. zorgant/o
  5. zorgat/o
  6. zorgem/a
  7. zorgig/i
  8. zorgil/o
  9. antaŭzorgi
  10. malzorgi
  11. medizorgo
  12. pres/ilzorgil/o
  13. prizorgi
  14. prizorgad/o
  15. senzorga
  16. senzorge
  17. senzorgec/o
  18. senzorgej/o
★ zorgi
1 pri, por aŭ tr serioze direkti sian atenton kaj agadon al la bono de iu: mi zorgas pri ŝi tiel, kiel mi zorgas pri mi mem; sed ŝi mem tute ne zorgas pri si kaj tute sin ne gardas FE pli zorgas unu patrino pri dek infanoj, ol dek infanoj pri unu patrino Z zorgu pri vi, kaj nenion pli Z mi havis nur du infanojn, kaj estis al mi sufiĉe malfacile zorgi por ambaŭ Z ni eniris intence en la hotelon, por rigardi, ĉu la traveturantoj estas bone zorgataj Z se nur pri ili estas zorgite, ĉion ceteran oni ne bezonas timi Z pri ni estas kompreneble pli bone zorgite ol pri ĉiuj ceteraj kreitaĵoj Z ➞ flegi, prigardi, varti.
2 pri, por aŭ tr apliki sian atenton, ke ago estu bone plenumata; konscience fari aŭ plenumi taskon: la plej grava celo de nia gazeto estos ĉiam zorgi pri la vastigado de nia lingvo Z Dio zorgas pri justeco por orfo kaj vidvino MT pri bona digesto ĉiuj videble tre zorgis Z mi zorgis pri tio, ke la neĝo ilin kovru Z por sia vivteno li povis jam mem zorgi Z zorgu vivon vian kaj lasu vivi alian Z zorgu vian metion kaj ne miksu vin en alian Z faru vian aferon, Dio zorgos ceteron Z zorgu, ke la reĝo ricevu la leterojn Z ➞ okupiĝi.
3 ntr maltrankviliĝi pro necerteco aŭ dubeco de io, kion oni opinias grava: vi havu la bonecon ne zorgi, li atendos Z la malsato, pri kiu vi zorgas, persekutos vin MT riĉa zorgas pri ĉampano, malriĉa pri pano Z arbo, plantita ĉe akvo en tempo de sekeco ne zorgas MT lingvo natura, kiu ja tute ne bezonis zorgi pri facileco, faris tion saman Z
zorga karakterizata de zorgo: la plej bagatelajn religiajn morojn li plenumadis kun tre zorga konscienceco Z evidenta estas la multa kaj zorga esplorlaboro de la aŭtoro BRa sub la zorga okulo de l’ pastroj B la teksto estas tre zorge korektita DBr ŝi estis zorge vestita kaj ŝminkita ALö perkoresponda kurso, zorge de Claude Gacond RE! letero adresita al s-ro N. zorge de ĉe s-ro Z.
zorgo
1 maltrankviliĝo pro okazaj malbonoj aŭ kontraŭaĵoj: tio kaŭzis al la vikingedzino zorgojn kaj afliktojn Z finon de ĉiuj zorgoj! Z pezaj zorgoj premas mian bruston Z de zorgoj, ne de jaroj, blankiĝas la haroj Z rusto manĝas la feron, kaj zorgo la homon Z ĉiu morgaŭ havas sian zorgon Z malpli da havo, malpli da zorgoj Z manĝu vian panon kun tremo, kaj trinku vian akvon kun ĉagreno kaj zorgoj MT se oni ne havas zorgojn pro pano, oni tiam faras al si zorgojn de amo
2 atenta penado certigi ies bonon aŭ feliĉon: la sinofera amo de viaj gepatroj, iliaj ĉiamaj zorgoj kaj penadoj por viaj bonfarto kaj feliĉo SEn li estis devigita komisii tiun zorgon al subulo HVa zorgon pri la plu kaj pli ni lasas jam al Dio Z
zorgado konstanta aŭ ripetata zorgo: zorgado de iu pri iu aŭ io ni trovos tuj homojn, kiuj prenos sur sin la tutan zorgadon kaj respondecon pri la kongreso Z kulpigi malbonan zorgadon Z
zorganto persono, kiu zorgas pri iu aŭ io.
pensu iafoje pri mi, mia malnova amiko kaj zorganto, tiel serioze, kiel Vi nur povos! Z ekstermitaj estos ĉiuj zorgantoj pri malbonagoj MT li devas nun esti ŝia patro kaj zorganto LiZ James ankoraŭ estas la zorganto pri la hejmpaĝo de la Komisiono RE!
zorgato persono, pri kiu oni zorgas, precipe neplenaĝa infano: mi estas la zorganto de tiu ĉi infano, kaj ĝi estas mia zorgato Z mi forlasas hodiaŭ Vian domon; mi ĉesas hodiaŭ esti Via zorgato Z
zorgema inklina aŭ kutima zorgadi: ĉio estis pura kaj bonorda kaj sur ĉio estis vidata la mano de bona kaj zorgema mastrino FK vera patrino ne povas esti pli zorgema por sia infano, ol Rika por Moseo HBu mia ĉiama protektantino, mia zorgema gardanĝelo! VVi
zorgigi igi iun zorgi: kiuj estas la viroj, kiuj tiom vin zorgigas? Z la reputacio de la garaĝo lin zorgigas CPi la nuna milito zorgigas la tutan mondon JMI
zorgilo
1 ilo, per kiu oni zorgas pri io: zorgiloj por naskinto kaj naskito LSt
2 KOMP komputila programo, kiu peras inter la mastruma sistemo kaj flankaparato k.s.: zorgilo de presilo zorgilo de ekrano zorgilo de sonkarto ➞ presilzorgilo.
antaŭzorgi tr zorgi, por anticipe eviti malbonon, damaĝon aŭ problemon: por antaŭzorgi, oni devas antaŭvidi vi devas antaŭzorgi malsanon aŭ morton kaj asekuri vin por viaj infanoj por tiaj okazoj (kiujn antaŭvidi kaj antaŭzorgi ne povas eĉ la plej riĉa alfabeto) ni havos literojn provizajn Z
malzorgi tr malatenti aferon aŭ personon, pri kiu oni devus zorgi: malzorgi sian sanon malzorgi sian profesion malzorgi sian devon malzorgi siajn aferojn malzorgi siajn amikojn mi ne malzorgos atente ekzameni tiun proponon ➞ neglekti, preterlasi.
medizorgo EKOL en entrepreno sistemo celanta malpliigi poluajn ellasojn kaj plibonigi la kvaliton de produktoj laŭ media vidpunkto.
presilzorgilo KOMP komputila programo, kiu peras inter la mastruma sistemo kaj presilo.
prizorgi tr flegi:prizorgi malsanulon prizorgi ĝardenon
prizorgado tuto de ies zorgoj pri iu aŭ io: li estis donita por prizorgado al taglaboristino Z ŝi kisis la manojn de sia adoptinta patrino, benis ŝin pro ŝia tuta prizorgado kaj amo Z kreado kaj prizorgado de retpaĝoj RE ➞ flegi, varti.
senzorga ne maltrankvila pro zorgoj: senzorga vivo senzorga ofico kiu estas senzorga en sia laborado, tiu estas frato de pereiganto MT
senzorge en senzorga maniero: Johano povis dormi tute senzorge Z mi povu de nun vivi tute senzorge Z
senzorgeco eco de iu senzorga aŭ de io, pri kio oni ne zorgas: la senzorgeco de la senorduloj ilin pereigas MT
senzorgejo fantazia nomo de kampara domo aŭ kasteleto: la Senzorgejo de Frederiko la Dua