PIV 2026 · Artikolo 11271
★okupi
Derivaĵoj en la artikolo 12
★ okupi tr
1 teni en posedo iun lokon aŭ tempon; daŭre lokiĝi en iu loko: la libroj okupas la tutan skribotablon B okupi sen celo lokon sub ĉielo neniofaradi Z la bieno okupas 10 hektarojn la plena gramatiko okupas ne pli ol kelke da linioj Z la raporto okupis tri horojn B tio ne okupos multe da tempo
(figurasence) okupi postenon B okupi oficon en la evoluo de la civilizo la antikvaj grekoj okupas gravegan pozicion
2 tiri al si la atenton, intereson aŭ aktivecon de iu: du demandoj okupis liajn pensojn B je kio li okupas liajn servistojn? Z la foiro okupas 300 oficistojn tiu ĉi laboro lin profunde okupas Z libro pri la silikoj okupis liajn pensojn Z Inger okupis ŝiajn lastajn pensojn Z mi malhelpis vin. Vi estis okupata de gravaj aferoj Z birdoj tre okupitaj je glatigado de la plumoj Z miaj pensoj estis okupitaj de ĉio nova, kion mi vidis Z li estas okupita nur de sia propra persono ➞ obsedi, pritrakti, zorgi.
3 = (prefere) ekokupi: la malamikoj trupoj okupis la urbon B (figurasence) la paseroj okupis la neston de la cikonioj Z ĉiuj lokoj de la kaleŝo estis okupitaj Z ➞ akiri, kapti, preni.
okupi sin dediĉi sian atenton aŭ aktivecon al iu aŭ io: ne estas peninde okupi sin per ili Z kiu okupas sin je ĥemio, estas ĥemiisto FE je la kurantaj konstantaj aferoj de la Ligo okupas sin komitatoj specialaj Z sin okupi pri arto sin okupi pri politiko multaj artikoloj sin okupas de la komenco ĝis la fino je komparado de Esperanto kun Volapük Z Sin. okupiĝi. ➞ klopodi, posedi, zorgi.
okupo io, kio okupas: havi nenian okupon B la kantado estas agrabla okupo FE kio estas via okupo? respondo: brutedukistoj MT ➞ ofico, rolo, tasko.
okupado ago daŭre okupi lokon: la efektiva posedo rezultas de konstanta okupado la okupado de la lando fare de la malamikaj trupoj ➞ okupacio.
okupanto iu, kiu okupas: neniu kuraĝis interrompi la doloran mediton de la okupanto de la trono HLu
okupateco stato de loko, kiu estas daŭre okupata: imposto pro nesufiĉa okupateco de loĝejo
okupiĝi okupi sin: kial vi okupiĝas pri tiaj bagateloj?
okupiĝo io, pri kio oni estas okupita: nia tuta okupiĝo fariĝis skribado de leteroj Z eliras homo por sia okupiĝo, por sia laboro ĝis la vespero MT
okupiteco (evitinde) = okupateco.
ekokupi
1 preni lokon en posedon: la malamikaj soldatoj ekokupis la havenon la vintra vespero komplete ekokupis la nordon FSz (figurasence) ili ekokupis respondecajn funkciojn en la Esperanto-Movado ILa
2 ektiri al si la atenton aŭ aktivecon de iu: oni donas al mi ian laboron, kiu min ekokupas Z li ree ekokupis sin pri siaj aferoj SEn
lokokupilo io, kio provizore anstataŭas ion pli definitivan sed ankoraŭ nekonatan.
senokupa havanta nenian okupiĝon.